ଭାରତ ବିରୋଧରେ ବିଷ ଓଗାଳିଲା ଜୈସେ-ଏ-ମହମ୍ମଦ ମୁଖିଆ ମାସୁଦ ଅଜହର : ଅଡିଓ ଟେପ ଜାରି କରି କହିଲା, ମୋଦି ସରକାର ବିରୋଧରେ ଦୁର୍ନୀତି ଅଭିଯୋଗ ଆସିବା ଖୁସି ଖବର
କନକ ବ୍ୟୁରୋ : ପୁଣି ଭାରତ ବିରୋଧରେ ବିଷ ଓଗାଳିଲା ଆତଙ୍କବାଦୀ ମସୁଦ ଅଜହର । ଏକ ନୂଆ ଅଡିଓ ଜାରି କରି ଭାରତ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ଆପତିଜନକ ଭାଷା ପ୍ରୟୋଗ କରିଛି ଜୈଶ ଏ ମହମ୍ମଦ ମୁଖିଆ ଅଜହର । ଯଦି ପାକିସ୍ତାନ ସରକାର ତା ଉପରୁ ସମସ୍ତ କଟକଣା ହଟାଇ ଦିଅନ୍ତି ତେବେ କଶ୍ମୀରରେ ଥିବା ତାର ଆତଙ୍କବାଦୀମାନେ ଭାରତକୁ ଉଚିତ ଶିକ୍ଷା ଦେଇ ପାରନ୍ତେ ବୋଲି ଅଡିଓରେ କହିଛି ଅଜହର । ମାତ୍ର ୬ ମାସ ପାଇଁ କଟକଣା ହଟାଇ ଦେଲେ ଭାରତକୁ ତା ଭାଷାରେ ଜବାବ ଦେବୁ ବୋଲି ଅଜହର ଧମକ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛି ଯେ ଭାରତ କେବଳ ଉପରେ ଉପରେ ଧମକ ଦେଉଛି କିନ୍ତୁ ସେ ନିଜେ ଭୟଭୀତ ଅବସ୍ଥାରେ ରହିଛି । ଏହା ସହ ଅଡିଓରେ ପ୍ରଧାନମନ୍ତ୍ରୀ ମୋଦିଙ୍କୁ ମଧ୍ୟ ଟାର୍ଗେଟ୍ କରିଛି ଅଜହର । ସେ କହିଛି ଯେ ଭଲ ହୋଇଛି, ମୋଦି ଦୁର୍ନୀତି ଅଭିଯୋଗରେ ଫସିଛନ୍ତି । ଏବେ ଭାରତୀୟ ସେନାମୁଖ୍ୟଙ୍କୁ ମୋଦି ଆଗକୁ ଛାଡି ଦେଇଛନ୍ତି, ଯିଏ ପାକିସ୍ତାନକୁ ଧମକ ଦେଉଛନ୍ତି । ପାକିସ୍ତାନର ପୂରୁଣା ଭୁଲ ଯୋଗୁ ହିଁ ଭାରତ ଅଧିକ ସାହସ ଦେଖାଉଛି । କିନ୍ତୁ ଏବେ ଭାରତ ଯୁଦ୍ଧ କରିବାର ଭୁଲ କରିବ ନାହିଁ । କଶ୍ମୀରର ଜିହାଦୀମାନେ ହିଁ ଭାରତକୁ ପରାସ୍ତ କରିପାରିବେ । ସର୍ଜିକାଲ ଷ୍ଟ୍ରାଇକକୁ ନେଇ ଭାରତରେ ଚାଲିଥିବା ବିତର୍କକୁ ମଧ୍ୟ ନିଜ ଅଡିଓରେ ପ୍ରସଙ୍ଗ କରିଛି ଅଜହର ।