ମାସୁଦ୍ ଆଜହରକୁ ମାଫି ମନା ! ମାସୁଦକୁ ଅନ୍ତର୍ଜାତୀୟ ଆତଙ୍କବାଦୀ ଘୋଷଣା ପାଇଁ ପୁଣି ଥରେ ଅନୁରୋଧ କରିବ ଭାରତ !
କନକ ବ୍ୟୁରୋ : ମାସୁଦ୍ ଆଝାରକୁ ଅନ୍ତର୍ଜାତୀୟ ଆତଙ୍କବାଦୀ ଘୋଷଣା ପାଇଁ ପୁଣିଥରେ ଅନୁରୋଧ କରିବ ଭାରତ । ବିଦେଶ ମନ୍ତ୍ରାଳୟ ପ୍ରବକ୍ତା ରବିଶ କୁମାର କହିଛନ୍ତି ଜୈସେ ଟ୍ରେନିଂ କ୍ୟାମ୍ପ ସମ୍ପର୍କରେ ଜାତିସଂଘ ସୁରକ୍ଷା ପରିଷଦର ସମସ୍ତ ୧୫ଟି ଦେଶ ଜାଣନ୍ତି । ଏ ନେଇ ମାସୁଦ ଆଝାରକୁ ଆମେରିକା, ବ୍ରିଟେନ୍ ଓ ଫ୍ରାନ୍ସ ପକ୍ଷରୁ ଅନ୍ତର୍ଜାତୀୟ ଘୋଷଣା ପାଇଁ ପ୍ରସ୍ତାବ ଅଣାଯାଇଥିବା ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୁଲୱାମା ହମଲା ପରେ ଜାତିସଂଘ ସୁରକ୍ଷା ପରିଷଦର ସମସ୍ତ ୧୫ଟି ଦେଶ ନିନ୍ଦା ପ୍ରସ୍ତାବ ଆଣିଥିବା ସେ କହିଛନ୍ତି । ଆତଙ୍କୀ ସଂଗଠନ ଚଳାଉ ଥିବା ମାସୁଦ ଆଝାରକୁ ୧୯୯୪ ମସିହାରେ ଗିରଫ କରାଯାଇଥିଲା କିନ୍ତୁ କାନ୍ଦାହାର୍ ଘଟଣା ପରେ ସେ ମୁକ୍ତ ହୋଇଥିଲା । ୨୦୧୬ରେ ଉରି ସେନା କ୍ୟାମ୍ପ ଉପରେ ମାସୁଦ୍ ଈଶାରାରେ ଆକ୍ରମଣ କରାଯାଇଥିଲା ଓ ଏଥିରେ ୧୯ ଯବାନଙ୍କ ମୃତ୍ୟୁ ହୋଇଥିଲା । ସେହିପରି ୨୦୧୬ରେ ପଠାନକୋଟ୍ ବାୟୁସେନା ଘାଟି ଉପରେ ମାସୁଦ୍ ଈଶାରାରେ ହମଲା ହୋଇଥିଲା ଓ ୭ଜଣ ସୁରକ୍ଷାକର୍ମୀଙ୍କ ମୃତ୍ୟୁ ହୋଇଥିଲା । ଏସବୁ ବ୍ୟତୀତ ଆହୁରି ଅନେକ ଭାରତ ବିରୋଧୀ ଷଡଯନ୍ତ୍ରର ସ୍ରଷ୍ଟା ହେଉଛି ମାସୁଦ୍ ।