ଛତିଶଗଡ଼ କାଙ୍କେର ଜିଲ୍ଲା ରାଓଘାଟରେ ନକ୍ସଲ ହମଲା । ଯବାନଙ୍କୁ ଟାର୍ଗେଟ କରି ମାଓବାଦୀଙ୍କ ଲ୍ୟାଣ୍ଡାମାଇନ ବିସ୍ପୋରଣ, ଦୁଇ ଯବାନ ସହିଦ
କନକ ବ୍ୟୁରୋ: ଛତିଶଗଡ଼ କାଙ୍କେର ଜିଲ୍ଲା ରାଓଘାଟରେ ନକ୍ସଲ ହମଲା । ଯବାନଙ୍କୁ ଆକ୍ରମଣ କରି ଲ୍ୟାଣ୍ଡାମାଇନ ବିସ୍ପୋରଣ ଘଟାଇଛନ୍ତି ମାଓବାଦୀ । ଲ୍ୟାଣ୍ଡମାଇନ ବିସ୍ଫୋରଣରେ ଦୁଇଜଣ ବିଏସଏଫ ଯବାନ ସହିଦ ହୋଇଛନ୍ତି । ସହିଦ ଦୁଇ ବିଏସଏଫ ଯବାନ ହେଉଛନ୍ତି ରାଜେନ୍ଦ୍ର ସିଂ, ଅମରେଶ କୁମାର । ଘଟଣା ପରେ ସଂପୃକ୍ତ ଅଂଚଳରେ କମ୍ବିଂ ଅପରେସନ ଯୋରଦାର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ, କୋରାପୁଟ ଜିଲ୍ଲା ଲମତାପୁଟ ବ୍ଲକ୍ ମାଛକୁଣ୍ଡ ଥାନା ଅନ୍ତର୍ଗତ ଚିଲିବା ଜଙ୍ଗଲରେ ଗତକାଲି ରାତିରେ ବିଏସଏଫ ଜବାନମାନେ କମ୍ବିଂ ଅପରେସନ୍ ଚଳାଇଥିବା ବେଳେ ଏକ ମାଓ କ୍ୟାମ୍ପ ଠାବ କରିଛନ୍ତି । ବିଏସଏଫ ଜବାନମାନେ କ୍ୟାମ୍ପ ନିକଟରେ ପହଞ୍ଚିବା ପୂର୍ବରୁ ମାଓବାଦୀମାନେ ସେ ସ୍ଥାନ ଛାଡ଼ି ଚାଲିଯାଇଥିଲେ । ସେଠାରୁ ବିଏସଏଫ କମ୍ବିଂ ଅପରେସନ୍ ଟିମ୍ ୨ଟି ଏସଏଲଆର ବନ୍ଧୁକ, ୯ଟି ଡିଟୋନେଟର, ବିପୁଳ ପରିମାଣର ଇଲେକ୍ଟ୍ରିକ୍ ତାର, ମାଓବାଦୀଙ୍କ ପୋଷାକ, ଔଷଧ ଓ ମାଓ ପୁସ୍ତିକା ଜବତ କରିଛନ୍ତି ।