ମାଓବାଦୀଙ୍କ ମନୋବଳ ବଢ଼ାଇବାକୁ ଭିଡିଓ ଜାରି କଲା ଲାଲବାହୀନି ! ଅପରେସନ୍ ଗ୍ରୀନ ହଂଟକୁ ବିରୋଧ କରି ଆକ୍ରମଣ କରିଥିବା ସୂଚନା
କନକ ବ୍ୟୁରୋ: ବୁର୍କାପାଲି ମାଓ ଆକ୍ରମଣକୁ ନେଇ ମାଓବାଦୀଙ୍କ ପକ୍ଷରୁ ପ୍ରଥମ ଭିଡିଓ ଜାରି କରାଯାଇଥିବାବେଳେ ଆଉ କିଛି ଭିଡିଓ କନକ ନ୍ୟୁଜର ହସ୍ତଗତ ହୋଇଛି । କେମିତି ପିଏଲଜିଏ ବାହିନୀ ସିଆରପିଏଫ ଯବାନଙ୍କୁ ଟାର୍ଗେଟ କରିଥିଲେ ତାହାକୁ ଗ୍ରାଫିକ୍ସ ମାଧ୍ୟମରେ ଦେଖାଯାଇଛି ଏହି ଭିଡିଓରେ । ଆକ୍ରମଣ ଆରମ୍ଭଠାରୁ ଶେଷ ଯାଏ ସବୁକିଛି ଏହି ଡକ୍ୟୁମେଂଟାରୀରେ ସ୍ଥାନ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ମାଓବାଦୀମାନେ ଜଙ୍ଗଲରେ ରହି କିଭଳି ଏହି ଡକ୍ୟୁମେଂଟାରୀ ତିଆରି କଲେ ତାହା ବଡ ପ୍ରଶ୍ନବାଚୀ ସୃଷ୍ଟି କରିଛି । ଜଙ୍ଗଲ ବାହାରେ ମଧା ମାଓବାଦୀଙ୍କ ଏକ ବଡ ନେଟୱର୍କ କାମ କରୁଥିବା ସ୍ପଷ୍ଟ ହୋଇଛି ।
ଉଲ୍ଲେଖ ଥାଉ କି, ନିକଟରେ ପ୍ରଥମ ଥର ପାଇଁ ମାଓବାଦୀ ଜାରି କରିଥିଲା ଏକ ଡକ୍ୟୁମେଂଟାରୀ ଭିଡିଓ । ବୁର୍କାପାଲ ଏନକାଉଣ୍ଟରକୁ ୧ ବର୍ଷ ପୁରିବାକୁ ଥିବା ବେଳେ ଏହି ଭିଡିଓ ରିଲିଜ କରି ମାଓଶକ୍ତି ଦେଖାଇବାକୁ ପ୍ରୟାସ କରିଛି ଲାଲବାହିନୀ । ଭିଡିରେ ରହିଛି ବୁର୍କାପାଲ୍ ମାଓ ହମଲାର ସତ ଗରିଲା ଯୁଦ୍ଧରେ ମାହିର ପିଏଲଜିଏ କ୍ୟାଡରଙ୍କ ହାତରେ ଏକେ ୪୭ ବନ୍ଧୁକ । ତୁହାକୁ ତୁହା ଗୁଳିବର୍ଷଣ । ଘଂଚ ଜଙ୍ଗଲରେ ଚାଲିଛି ମାଓ ଅପରେସନ୍ । ୨୫ ଜଣ ଯବାନଙ୍କ ଜୀବନ ନେଇଥିବା ଛତିଶଗଡ ବୁର୍କାପାଲ୍ ମାଓ ହମଲାର ପ୍ରମାଣ ଦେଇଛି ଲାଲବାହୀନି । ପୁରା ଅପରେସନକୁ ଡକ୍ୟୁମେଂଟାରୀ ଭିଡିଓ କରି ଜାରି କରିଛି ଲାଲବାହିନୀ । କେମିତି ମାଓବାଦୀଙ୍କ ଚକ୍ରବ୍ୟୁହରେ ଫସିଯାଇଥିଲେ ସିଆରପିଏଫ୍ ଯବାନ ଏବଂ ସଫଳ ହୋଇଥିଲା ଅପରେସନ, ସେସବୁ ରହିଛି ଏହି ଭିଡିଓରେ ।
ମାଓ ଅପରେସନର ଟିକିନିଖି ଦୃଶ୍ୟ ରହିଛି ଡକ୍ୟୁମେଂଟାରୀ ଭିଡିଓରେ । ଯବାନଙ୍କ ଗୁଳିରେ ପ୍ରାଣ ହରାଇଥିବା ଦୁଇ କମରେଡଙ୍କୁ ଶେଷ ସମ୍ମାନ ଦେଉଛି ଲାଲବାହୀନି । ଲାଲ ସଲାମରେ ଫାଟି ପଡୁଛି ଦଣ୍ଡକାରଣ୍ୟ । ଛତିଶଗଡ ସୁକମାର ବୁର୍କାପାଲରେ ମାଓବାଦୀ ଘଟାଇଥିବା ଏତେବଡ ହିଂସାକାଣ୍ଡ ପାଇଁ ମୋଦି ସରକାରଙ୍କ ମାଓ ବିରୋଧୀ ଦମନ ନୀତିକୁ ଦାୟୀ କରାଯାଇଛି । ବିଶେଷ କରି ଗ୍ରୀନ ହଂଟ୍ ଅପରେସନକୁ ବିରୋଧ କରି ରକ୍ତର ହୋଲି ଖେଳିଥିଲେ ମାଓବାଦୀ ।