କନକ ବ୍ୟୁରୋ: ଲାଞ୍ଜିଗଡରେ ଲାଲ୍ ଆତଙ୍କ । କଳାହାଣ୍ଡିରେ ମାଓବାଦୀଙ୍କ ବର୍ବରକାଣ୍ଡ । କିଛି ଦିନର ବ୍ୟବଧାନ ପରେ ପୁଣି ଆରମ୍ଭ ହେଲା ଲାଲତାଣ୍ଡବ । କଳାହାଣ୍ଡି ଜିଲ୍ଲା ଲାଞ୍ଜିଗଡରେ ଜଣେ ଠିକାଦାରଙ୍କୁ ଗୁଳି କରି ହତ୍ୟା କରିଛନ୍ତି ମାଓବାଦୀ । ପାହାଡ ପଦର ବଜାର ଉପରେ ଠିକାଦାର ରାଜେନ୍ଦ୍ର ସାହୁଙ୍କୁ ଗୁଳିକରି ମାରିଛନ୍ତି ମାଓବାଦୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ଦିନରେ ଠିକାଦାର ବଜାରରେ ସଉଦା କିଣୁଥିବା ବେଳେ ମାଓବାଦୀ ବଜାର ଭିତରେ ପଶି ତାଙ୍କ ଉପରକୁ ଆଖିବୁଜା ଗୁଳି ଚଳାଇଥିଲେ । ଆଉ ମାଓ ଗୁଳିରେ ଘଟଣାସ୍ଥଳରେ ହିଁ ଠିକାଦାରଙ୍କ ମୃତ୍ୟୁ ହୋଇଛି ।
ପୂର୍ବରୁ ଠିକାଦାରଙ୍କୁ ଅନେକ ଥର ଟାର୍ଗେଟ କରିଛନ୍ତି ମାଓବାଦୀ । ପୂର୍ବରୁ ରାଜେନ୍ଦ୍ରଙ୍କ ଗୋଟିଏ ବାଇକ ଓ ଗୋଟିଏ ଜେସିବିକୁ ଜାଳି ଦେଇଛନ୍ତି ମାଓବାଦୀ । ଆଉ ଆଜି ତାଙ୍କୁ ଅତି ନିର୍ମମ ଭାବେ ଗୁଳି କରି ହତ୍ୟା କରିଛନ୍ତି । ତେବେ ହତ୍ୟା କରିଥିବା ମାଓବାଦୀ ରାୟଗଡା ଡିଭିଜନର ବୋଲି ଜଣାପଡିଛି । ହତ୍ୟା ପରେ ସେମାନେ ଘଟଣାସ୍ଥଳରେ ଏକ ପୋଷ୍ଟର ଛାଡି ଯାଇଛନ୍ତି । ତେବେ ହତ୍ୟାର କାରଣ କଣ ଏ ପର୍ଯ୍ୟନ୍ତ ସ୍ପଷ୍ଟ ହୋଇନି ।