ମାଲକାନଗିରିରେ ଲଗାଣ ବର୍ଷା ଓ ବନ୍ୟା ପରେ ମାଓ ତାଣ୍ଡବ । ମାଥିଲି ମିଢିବେଡା ପୋଲ ଉଭୟ ପାର୍ଶ୍ୱରେ ରାସ୍ତା ଖୋଳିଦେଲେ ମାଓବାଦୀ
କନକ ବ୍ୟୁରୋ : ପୁଣି ମାତିଲେ ମାଓବାଦୀ । ମାଲକାନଗିରି ଜିଲ୍ଲାରେ ଲଗାଣ ବର୍ଷା ଓ ବନ୍ୟା ପରେ ଏବେ ମାଥିଲିବାସୀଙ୍କୁ ମାଓ ଭୟ । ମାଥିଲି ଥାନା ଅନ୍ତର୍ଗତ ଦୁର୍ମାଗୁଡା ଠାରୁ ଗଲିଆଗୁଡା ରାସ୍ତା କୁ ସଂଯୋଗ କରୁ ଥିବା ମିଢିବେଡା ପୋଲ ର ଉଭୟ ପାର୍ଶ୍ୱରେ ରାସ୍ତା ଖୋଳି ଦେଇଛନ୍ତି ମାଓବାଦୀ । ଏଥି ସହ ପୋଲ କୁ ନଷ୍ଟ କରିବାକୁ ଉଦ୍ୟମ କରି ବିଫଳ ହୋଇଛନ୍ତି ଲାଲ ବାହିନୀ । ଫଳରେ ମାଥିଲି ଠାରୁ ମହୁପଦର ଓ କର୍ତନପାଲି କୁ ଯୋଗାଯୋଗ ସମ୍ପୁର୍ଣ ବିଚ୍ଛିନ୍ନ ହୋଇଛି । ଫଳରେ ଗତ ତିନି ଦିନ ଧରି ବନ୍ୟା ଘେର ରେ ଥିବା ମହୁପଦର ଓ କର୍ତନପାଲି ବାସିନ୍ଦା ଏବେ ପୁଣି ମାଓ ତାଣ୍ଡବ ଯୋଗୁ ବାହ୍ୟ ଯଗତ ରୁ ବିଚ୍ଛିନ୍ନ ହୋଇ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମହୁପଦର ଠାରେ ନୁତନ ପୁଲିସ କ୍ୟାମ୍ପ ହୋଇ ଥିବାରୁ ମାଓବାଦୀ ମାନେ ଏଭଳି କାଣ୍ଡ ଘଟାଇ ଥିବା ଜଣାପଡିଛି । ପୂର୍ବରୁ ମାଓବାଦୀମାନେ ପୋଷ୍ଟର ମାଧ୍ୟମରେ ନିଜ ଉପସ୍ଥିତି ଜାହିର କରିଥିଲେ । ଏହାସହ ସେମାନେ ବିଭିନ୍ନ ସ୍ଥାନରେ ଲ୍ୟାଣ୍ଡମାଇନ ବିଛାଇବା ସହ ଅନେକ ବସ ଓ ଟ୍ରକ ମଧ୍ୟ ଜାଳିଦେଇଥିଲେ । ତେଣୁ ବାରମ୍ବର ଏପରି କରିବା ଦ୍ୱାରା ସାଧାରଣ ଲୋକମାନଙ୍କ ମନରେ ଭୟ ରହୁଛି । ତେବେ ସ୍ଥାନୀୟ ପୋଲିସ ମଧ୍ୟ କମ୍ବିଂ ଅପରେସନକୁ ଜୋର ଦାର କରୁଥିବା ଜଣାପଡିଛି ।