ବାଲିଗୁଡା କଂଜାଲୋଗୋ ଘାଟିରେ ମାଓ ହମଲା ! କମ୍ବିଂ ସାରି ଫେରୁଥିବା ଏସଓଜି ଯବାନଙ୍କ ଗାଡି ଉପରକୁ ଆକ୍ରମଣ, ଜଣେ ଯବାନ ସହିଦ
କନକ ବ୍ୟୁରୋ: କନ୍ଧମାଳ ବାଲିଗୁଡାରେ ମାଓ ଆକ୍ରମଣ । କମ୍ପିଂ ସାରି ଫେରୁଥିବା ଏସଓଜି ଯବାନଙ୍କ ଗାଡି ଉପରକୁ ଅତର୍କିତ ଗୁଳିମାଡ଼ କରିଛନ୍ତି ମାଓବାଦୀ । ଫଳରେ ଜଣେ ଯବାନ ସହିଦ ହୋଇଥିବା ବେଳେ ୫ ଜଣ ଗୁରୁତର ହୋଇଛନ୍ତି । ଅନ୍ୟ ୭ ଜଣ ଯବାନ ଆହତ ହୋଇଥିବା ଜଣାପଡିଛି । ସହିଦ ଯବାନ ଜଣକ ହେଉଛନ୍ତି ଲକ୍ଷ୍ମୀକାନ୍ତ ଜାନି । ଆହତଙ୍କୁ ବାଲିଗୁଡା ମେଡିକାଲରେ ଭର୍ତ୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କମ୍ବିଂ ସାରି ଯବାନମାନେ ଫେରୁଥିବା ସମୟରେ ବାଲିଗୁଡା ଥାନା ଅନ୍ତର୍ଗତ କଂଜାଲୋଗୋ ଘାଟି ଉପରେ ଏହି ଆକ୍ରମଣ ଭିଆଇଛନ୍ତି ମାଓବାଦୀ । ଘଟଣାସ୍ଥଳରେ ଏସପି ପିନାକ ମିଶ୍ର ପହଂଚି ସ୍ଥିତିର ଅନୁଧ୍ୟାନ କରୁଛନ୍ତି । ଆରପଟେ ସିଆରପିଏଫ ପକ୍ଷରୁ ସର୍ଚ୍ଚ ଅପରେସନ ଆରମ୍ଭ ହୋଇଛି ।
ଏହା ସହ ଦେଖନ୍ତୁ ଏହି ଭିଡିଓ –