ରିୟଲ ଲାଇଫର ରିୟଲ ସୁପରମ୍ୟାନ୍ ମନୋଜ ! ଏପରି ଭାବରେ ବଞ୍ଚାଇଥାନ୍ତି ଲୋକମାନଙ୍କର ଜୀବନ ।
ହଲିଉଡ ସିନେମା ଜଗତରେ ସ୍ପାଇଡର ମ୍ୟାନ, ଆଇରନ ମ୍ୟାନ ଏବଂ ସୁପର ମ୍ୟାନ ଭଳି ବିଭିନ୍ନ ଆକ୍ସନ ମୁଭି ଦେଖିବାକୁ ମିଳିଥାଏ । ହଲିଉଡରେ ସୁୁପର ମ୍ୟାନକୁ ସବୁଠାରୁ ଶକ୍ତିଶାଳୀ ବ୍ୟକ୍ତି ଭାବରେ ଜଣାଯାଇଥାଏ । ସୁପର ମ୍ୟାନ ପାଖରେ ଏପରି ଶକ୍ତି ଥାଏ, ଯାହା ଶେଷ ମୁହୁର୍ତ୍ତରେ ଲୋକମାନଙ୍କୁ ଆସି ବିପଦରୁ ରକ୍ଷା କରିଥାଏ । ଏହାତ ଥିଲା ଫିଲ୍ମି ଦୁନିଆର କଥା । କିନ୍ତୁ ଆପଣମାନେ ଜଣିଛନ୍ତି କି, ରିୟଲ ଲାଇଫରେ ମଧ୍ୟ ଜଣେ ସୁପର ମ୍ୟାନ ରହିଛି । ଯିଏ ହଲିଉଡ ସିନେମାର ସୁପର ମ୍ୟାନ ଭଳି ଲୋକମାନଙ୍କୁ ବିପଦରୁ ମଧ୍ୟ ରକ୍ଷା କରୁଛି ।
Kanak News is now on WhatsApp
Join and get latest news updates delivered to you via WhatsApp
ଉତ୍ତରପ୍ରଦେଶ ମୁଜଫରନଗରରେ ବାସ କରୁଥିବା ମନୋଜ କୁମାର ସେନୀ ନାମକ ଜଣେ ଲୋକଙ୍କୁ ସମସ୍ତେ ସୁପରମ୍ୟାନ ଭାବରେ ଜାଣନ୍ତି । ମନୋଜ କୁମାର ମୁଜଫରନଗରରେ ଏକ ଫଳ ଦୋକାନ କରି ନିଜର ପେଟ ପୋଷନ୍ତି । ସେ ଯେଉଁଠାରେ ତାଙ୍କର ଫଳ ବ୍ୟବସାୟ କରନ୍ତି ସେ ସ୍ଥାନକୁ ସୁଇସାଇଡ ପଏଣ୍ଟ କୁହାଯାଏ । ସେଠାରେ କେତେକ ଲୋକ ସୁଇସାଇଡ କରିଥିବାରୁ ସେ ସ୍ଥାନର ନାମ ଏପରି ରଖାଯାଇଛି ।
ଗତ ଏକ ବର୍ଷରେ ଆତ୍ମହତ୍ୟା କରିବାକୁ ଆସିଥିବା ୭ଜଣ ଲୋକଙ୍କୁ ମନୋଜ କୁମାର ନୁଆ ଜୀବନ ଦେଇଛନ୍ତି । ମନୋଜଙ୍କ କହିବା ଅନୁସାରେ, ପ୍ରଥମଥର ଜଣେ ଯୁବକ ଏହି ସୁଇସାଇଡ ପଏଣ୍ଟକୁ ଆସି ଆତ୍ମହତ୍ୟା କରିବା ପାଇଁ ନିକଟରେ ଥିବା କେନାଲକୁ ଡେଇଁ ପଡିଥିଲା । ଏହା ଦେଖି ମନୋଜ ମଧ୍ୟ ଯୁବକ ପଛେ ପଛେ କେନାଲକୁ ଡେଇଁ ଯୁବକର ଜୀବନ ବଞ୍ଚାଇଥିଲେ । ସେ ଗତ ଏକ ବର୍ଷ ମଧ୍ୟରେ ବହୁତ ଲୋକଙ୍କ ଜୀବନ ବଞ୍ଚାଇଛନ୍ତି । ଗତ ଗୁରୁବାର ଦିନ ମଧ୍ୟ ଆତ୍ମହତ୍ୟା କରିବାକୁ ଆସିଥିବା ଜଣେ ବ୍ୟକ୍ତିଙ୍କ ଜୀବନ ବଞ୍ଚାଇଛନ୍ତି ମନୋଜ କୁମାର । ମନୋଜଙ୍କ ଏପରି ସାହସିକତାକୁ ଦେଖି ନିକଟରେ ଥିବା ପୋଲିସ ଷ୍ଟେସନର ମୁଖ୍ୟ କର୍ମଚାରୀ ଥାନାକୁ ଡକାଇ ମନୋଜଙ୍କୁ ୧ ହଜାର ଟଙ୍କା ପୁରଷ୍କୃତ କରିଛନ୍ତି । ଏନେଇ ମନୋଜ କହିଛନ୍ତି ମୁଁ ମୋ ଆଖି ସାମ୍ନାରେ କାହାକୁ ଏପରି ଆତ୍ମହତ୍ୟା କରୁଥିବାର ଦେଖିପାରିବିନି । ଯେ ପର୍ଯ୍ୟନ୍ତ ମୁଁ ବଞ୍ଚିଛି ସେ ପର୍ଯ୍ୟନ୍ତ ଲୋକମାନଙ୍କୁ ସାହାଯ୍ୟ କରୁଥିବି । ଏପରି ସାହସିକତା ଏବଂ ଲୋକମାନଙ୍କୁ ସାହାଯ୍ୟ କରିବାର ମନୋଭାବ କାରଣରୁ ମନୋଜ ଆଜି ଲୋକମାନଙ୍କ ଆଗରେ ସୁପରମ୍ୟାନ ପାଲଟିଯାଇଛନ୍ତି ।