କଥାକାର ମନୋଜ ଦାସଙ୍କୁ ମିଳିବ ପଦ୍ମଭୂଷଣ ସମ୍ମାନ । ଶିକ୍ଷା ଓ ସାହିତ୍ୟ କ୍ଷେତ୍ରରେ ବଳିଷ୍ଠ ଅବଦାନ ପାଇଁ ମନୋଜ ଦାସଙ୍କ ନାଁ ଘୋଷଣା
କନକ ବ୍ୟୁରୋ: କଥାକାର ମନୋଜ ଦାସଙ୍କୁ ମିଳିବ ପଦ୍ମଭୂଷଣ ସମ୍ମାନ । ଶିକ୍ଷା ଓ ସାହିତ୍ୟ କ୍ଷେତ୍ରରେ ବଳିଷ୍ଠ ଅବଦାନ ପାଇଁ ବିଶିଷ୍ଟ କଥାକାର ମନୋଜ ଦାସ ପାଇବେ ପଦ୍ମ ଭୂଷଣ ସମ୍ନାନ । ମନୋଜ ଦାସଙ୍କ ନାମ ଘୋଷଣା କରିଛନ୍ତି କେନ୍ଦ୍ର ସରକାର । ୭୧ ତମ ଗଣତନ୍ତ୍ର ଦିବସର ପୂର୍ବ ସଂଧ୍ୟାରେ ପଦ୍ମ ପୁରସ୍କାର ଘୋଷଣା କରିଛନ୍ତି କେନ୍ଦ୍ର ସରକାର ।
Kanak News is now on WhatsApp
Join and get latest news updates delivered to you via WhatsApp
ତେବେ ପଣ୍ଡିଚେରୀ ଶ୍ରୀମା ଶ୍ରୀଅରବିନ୍ଦଙ୍କ ଆଶ୍ରମରେ ରହି ଦୀର୍ଘ ଦିନ ହେବ ଶିକ୍ଷାଦାନ କରି ଆସୁଥିବା ମନୋଜ ଦାସ ଓଡିଶା ସାହିତ୍ୟ ଭଣ୍ଡାରକୁ ଭରପୁର କରିଛନ୍ତି । ଗୋଧୂଳିର ବାଘ, ଶେଷ ବସନ୍ତର ଚିଠି, ଆକାଶର ଇସାରା, ଅମୃତ ଫଳ ଆଦି ଚମତ୍କାର ବହିର ସ୍ରଷ୍ଟା ମନୋଜ ଇଂରାଜୀରେ ଅନେକ କଥା ଓ କାହାଣୀ ଲେଖି ସାହିତ୍ୟ ଭଣ୍ଡାରକୁ କରିଛନ୍ତି ଅନେକ ଦାନ । ତେବେ ତାଙ୍କର ଏହି ଅତୁଳନୀୟ ଦାନ ପାଇଁ କେନ୍ଦ୍ର ସରକାର ତାଙ୍କୁ ପଦ୍ମଭୂଷଣ ସମ୍ମାନରେ ସମ୍ନାନିତ କରିବା ପାଇଁ ଘୋଷଣା କରିଛନ୍ତି । ତେବେ ପୂର୍ବରୁ ୨୦୦୧ରେ ମନୋଜଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଛି ।
#ମନୋଜ_ଦାସଙ୍କୁ #ପଦ୍ମଭୂଷଣ
ଶିକ୍ଷା ଓ ସାହିତ୍ୟ ପାଇଁ ବିଶିଷ୍ଟ ସାହିତ୍ୟିକ ମନୋଜ ଦାସଙ୍କୁ ପଦ୍ମଭୂଷଣ ପୁରସ୍କାର ମିଳିବ । ମନୋଜ ଦାସଙ୍କ ନାମ ଘୋଷଣା କଲେ କେନ୍ଦ୍ର ସରକାର #ManojDas #PadmaBhushan pic.twitter.com/q9EuY2als2— Kanak News (@kanak_news) January 25, 2020
ସେହିପରି ପୂର୍ବତନ ଅର୍ଥ ମନ୍ତ୍ରୀ ଅରୁଣ ଜେଟଲୀ ଏବଂ ପୂର୍ବତନ ବୈଦେଶିକ ବ୍ୟାପାର ମନ୍ତ୍ରୀ ସୁଷମା ସ୍ୱରାଜଙ୍କୁ ମରଣୋତର ପଦ୍ମ ବିଭୁଷଣ ପୁରସ୍କାର ମିଳିବ । ପୁରସ୍କାର ତାଲିକାରେ ଏମାନଙ୍କର ନାଁ ରହିଛି । ମୋଟ ୧୧୮ ଜଣଙ୍କୁ ପଦ୍ମଶ୍ରୀ ସମ୍ମାନ ମିଳିବ ବୋଲି ଘୋଷଣା କରାଯାଇଛି ।