ପ୍ରଧାନମନ୍ତ୍ରୀ ମୋଦିଙ୍କୁ ଆକ୍ଷେପ କରିବା ପଡିଲା ମହଙ୍ଗା ! କଂଗ୍ରେସରୁ ନିଲମ୍ବିତ ହେଲେ ବରିଷ୍ଠ ନେତା ମଣିଶଙ୍କର ଆୟର
କଂଗ୍ରେସରୁ ନିଲମ୍ବିତ ହେଲେ ବରିଷ୍ଠ ନେତା ମଣିଶଙ୍କର ଆୟର । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦ୍ଦେଶ୍ୟରେ ନୀଚ ଶବ୍ଦ ବ୍ୟବହାର କରିଥିବାରୁ ଏଆଇସିସି ଏହି ପଦକ୍ଷେପ ନେଇଛି । ଏହା ସହ ତାଙ୍କୁ କାରଣ ଦର୍ଶାଅ ନୋଟିସ ମଧ୍ୟ ଜାରି କରିଛି କଂଗ୍ରେସ । ଅନ୍ୟପଟେ ପୂର୍ବରୁ ଏହି ବୟାନ ପାଇଁ ଦୁଃଖ ପ୍ରକାଶ କରିବା ସହ କ୍ଷମାମାଗିବାକୁ ତାଗିଦ୍ କରିଥିଲେ ରାହୁଲ ଗାନ୍ଧି । ଏନେଇ ଟ୍ୱିଟ୍ କରି ସେ କହିଥିଲେ ଏହା ଗାନ୍ଧୀଙ୍କ ଆଦର୍ଶର ଦଳ କଂଗ୍ରେସ ସଂସ୍କୃତି ନୁହେଁ । ପରେ କିନ୍ତୁ ତାଙ୍କୁ ଦଳରୁ ନିଳମ୍ବିତ ଘୋଷଣା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଅବଶ୍ୟ ଏହା ପୂର୍ବରୁ ଗଣମାଧ୍ୟମ ଆଗରେ ତାଙ୍କ ବକ୍ତବ୍ୟକୁ ଭୁଲ ଭାବରେ ତର୍ଜମା କରିଥିବା କହିଥିଲେ ମଣିଶଙ୍କର ଏବଂ ତାଙ୍କ ମନ୍ତବ୍ୟ ପାଇଁ ସେ ଦୁଃଖ ପ୍ରକାଶ କରିଛନ୍ତି । ସେପଟେ ପୁଣିଥରେ ରାହୁଲଙ୍କ ଟାର୍ଗେଟ ବିଜେପି । କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧୀ ଟ୍ୱିଟ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନବମ ପ୍ରଶ୍ନ ପଚାରିଛନ୍ତି ।
ରାହୁଲ କହିଛନ୍ତି କି ଚାଷୀଙ୍କ ସହିତ ସରକାର ବୈମାତୃକ ମନୋଭାବ ପୋଷଣ କରୁଛନ୍ତି । ସେ କହିଛନ୍ତି ମୋଦି ସରକାର, ଚାଷୀଙ୍କୁ ନା ଋଣଛାଡ଼ କରୁଛନ୍ତି ନ, ଫସଲର ଉପଯୁକ୍ତ ଦର ଦେଉଛନ୍ତି । କୃଷକଙ୍କ ଉପରେ ଜିଏସଟି ବା ଗବର ସିଂ ଟ୍ୟାକ୍ସର ପ୍ରଭାବ ପଡ଼ିଥିବା ସେ କହିଛନ୍ତି ।