ଏକ କି ଦୁଇ ନୁହଁ ୨୭ ବର୍ଷରୁ ମହିଳା ବେଶରେ ଜୀବନ ଯାପନ କରୁଛନ୍ତି ଜଣେ ପୁରୁଷ ! ଖୁବ୍ ରୋମାଞ୍ଚକର ଏହି ମହିଳାବେଶୀ ପୁରୁଷଙ୍କ କାହାଣୀ ।
ଜନ୍ନୀପୁରରେ ଜଣେ ପୁରୁଷ ମୃତ୍ୟୁ ଭୟରେ ସ୍ତ୍ରୀ ବେଶରେ ରହିବାକୁ ବାଧ୍ୟ ହୋଇଛନ୍ତି । ମା’,ବାପା , ଦୁଇ ଝିଅ, ଏବଂ ପରିବାର ସମସ୍ତଙ୍କ ବିବାହ ପରର ମୃତ୍ୟୁ ପରେ ଜଣେ ବ୍ୟକ୍ତି ସ୍ତ୍ରୀ ବେଶ ଧାରଣ କରି ଜୀବନ ଯାପନ କରୁଛନ୍ତି । ଜନ୍ନୀପୁର ଜିଲ୍ଲାର ହିଜ ଗାଁରେ ରହୁଥିବା ଚିନ୍ତାହରଣ ଚୌହାନ(୬୬) ମହିଳା ସାଜିଛନ୍ତି । ୨୭ ବର୍ଷ ହେବ ଲାଲ ଶାଢୀ, ଚୁଡି, ସିନ୍ଦୁର, ନାକ ଗୁଣା, ଅଳଙ୍କାର ପିନ୍ଧନ୍ତି । ଚୌହାନଙ୍କ ବିବାହ ୧୪ ବର୍ଷ ବୟସରେ ହୋଇଥିଲା । କିନ୍ତୁ କିଛି ଦିନ ମଧ୍ୟରେ ତାଙ୍କ ପତ୍ନୀଙ୍କର ଦେହାନ୍ତ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
୨୧ ବର୍ଷ ବୟସରୁ ଚୌହାନ ଏକ ଇଟା ଭାଟିର ଶ୍ରମିକଙ୍କ ପାଇଁ ଖାଇବା ପ୍ରସ୍ତୁତି ଜିନିଷ କିଣିବାର କାର୍ଯ୍ୟ କରୁଥିଲେ । ସେ ଯେଉଁଠାରୁ ସଉଦା କରୁଥିଲେ ସେଠାକାର ମାଲିକ ସାଙ୍ଗରେ ତାଙ୍କର ଭଲ ସମ୍ପର୍କ ଗଢି ଉଠିଲା । ପରେ ସଉଦା ଦୋକାନୀ ମାଲିକଙ୍କ ଝିଅକୁ ବିବାହ କରିଥିଲେ । ହେଲେ ତାଙ୍କ ପରିବାର ଏହି ବିବାହକୁ ସହମତି ନଦେବା ହେତୁ ସେ ତାଙ୍କ ସ୍ତ୍ରୀଙ୍କୁ ଛାଡି ପଳାଇଥିଲେ । ପରେ ତାଙ୍କ ସ୍ତ୍ରୀ ଦୁଃଖରେ ଅତ୍ମହତ୍ୟା କରିଥିଲେ । ଏକ ବର୍ଷ ପରେ ଚୌହାନ ଫେରି ଆସି ଏହା ଜାଣିବାକୁ ପାଇଥିଲେ । ପରେ ଚୌହାନ ତୃତୀୟ ବିବାହ କରିଥିଲେ । ତୃତୀୟ ପତ୍ନୀ ମଧ୍ୟ ରୋଗରେ ପଡି ମୃତ୍ୟୁବରଣ କରିଥିଲେ । ଏହିପରି ଭାବେ ତାଙ୍କ ପରିବାରର ସମସ୍ତ ସଦସ୍ୟଙ୍କ ମୃତ୍ୟୁ ହେବାକୁ ଲାଗିଲା । ଚୌହାନ ଏକାକୀ ରହିଗଲେ । କିଛିଦିନ ପରେ ସେ ଏକ ସ୍ୱପ୍ନ ଦେଖିଲେ ଯେ, ତାଙ୍କ ସ୍ତ୍ରୀ ତାଙ୍କ ଉପରେ ଧୋକାର ଅଭିଯୋଗ ଲଗାଉଛନ୍ତି । ପରେ ଚୌହାନ ତାଙ୍କୁ ଭୁଲ ମାଗିଥିଲେ । ଚୌ÷ହାନ କୁହନ୍ତି ସ୍ୱପ୍ନରେ ମୃତ ସ୍ତ୍ରୀ ତାଙ୍କୁ ମହିଳା ସାଜି ରହିବାକୁ କହିଥିଲେ । ଯାହା ସେ ଏବେ ପର୍ଯ୍ୟନ୍ତ ପାଳନ କରୁଛନ୍ତି ।
