୫ ବର୍ଷିୟା ନାବାଳିକାକୁ ଦୁଷ୍କର୍ମ ଉଦ୍ୟମ କରିବା ଅଭିଯୋଗରେ ୫୦ ବର୍ଷିୟା ବୃଦ୍ଧ ଥାନାରେ ଅଟକ

ଅନୁଗୁଳରେ ପୁଣି ଲଜ୍ୟା

136

କନକ ବ୍ୟୁରୋ : ଅନୁଗୁଳରେ ପୁଣି ଲଜ୍ୟା। ମାତାଲ ଅବସ୍ଥାରେ ଜଣେ ବ୍ୟକ୍ତି ନାବାଳିକାଙ୍କୁ ଦୁଷ୍କର୍ମ ଉଦ୍ୟମ କରି ପୁଲିସ ଦ୍ୱାରା ଅଟକ ରହିଛନ୍ତି। ଦିନ କେଇଟା ପୂର୍ବରୁ ଅନୁଗୁଳ ଥାନା କାଙ୍ଗୁଲା ଗ୍ରାମରେ ଜଣେ ନାବାଳିକାକୁ ଦୁଷ୍କର୍ମ ପରେ ହତ୍ୟାକାଣ୍ଡ ଭଳି ଘଟଣା ମନରୁ ନ ଲିଭୁଣୁ ଏହି ଘଟଣା ପରେ ପୁଣି ଉତ୍ତେଜନା ଦେଖାଦେଇଛି। ଘଟଣାଟି ଘଟିଛି ଅନୁଗୁଳ ଜିଲ୍ଲା ବନ୍ତଳା ଥାନା ଅଞ୍ଚଳରେ। ନିଜ ସାଙ୍ଗମାନଙ୍କ ସହ ଖେଳୁଥିବା ବେଳେ ଜଣେ ୫ ବର୍ଷର ନାବାଳିକାକୁ ପ୍ରାୟ ୫୦ ବର୍ଷୀୟ ବ୍ୟକ୍ତି ଜଣକ ଦୁଷ୍କର୍ମ ଉଦ୍ୟମ କରିଛି।

ଅର୍ଦ୍ଧନିର୍ମିତ ଏକ ଘରେ ଏହି ଜଘନ୍ୟ କାଣ୍ଡ ଘଟୁଥିବାର ସୂଚନା ପାଇ ଗ୍ରାମବାସୀମାନେ ଅଭିଯୁକ୍ତକୁ ଧରି ପୁଲିସ ଜିମା ଦେଇଛନ୍ତି। ଏ ନେଇ ବନ୍ତଳା ଥାନାରେ ଏକ ମାମଲା ରୁଜୁ ହୋଇଥିବା ବେଳେ ଉଭୟ ପୀଡ଼ିତା ଓ ଅଭିଯୁକ୍ତ ଆର୍ତ୍ତତ୍ରାଣ ବେହେରାର ଡାକ୍ତରୀ ମାଇନା କରାଇଛି ପୁଲିସ। ତେବେ ରାଜ୍ୟରେ ଏପରି ଘଟଣା ବଢିବାରେ ଲାଗିଛି ।

Comments are closed.