ଗାଣିତିକ ସୂତ୍ର ପ୍ରୟୋଗ କରି ୧୪ ଥର ଲଗାତାର ଲଟେରୀ ଜିତିଲେ ଏହି ଗଣିତଜ୍ଞ, ବାଧ୍ୟ ହୋଇ ଅଧିକାରୀଙ୍କୁ ବଦଳାଇବାକୁ ପଡିଲା ଲଟେରୀ ନିୟମ
ଅଧିକାଂଶ ଲୋକଙ୍କ ସ୍ୱପ୍ନ ଥାଏ ଯେ, ତାଙ୍କର ଥରେ ହେଲେ ଲଟେରୀ ଲାଗିଯାଉ । କିନ୍ତୁ ଆଜି ଆମେ ଆପଣଙ୍କୁ ଏମିତି ଏକ ବ୍ୟକ୍ତିଙ୍କ ବିଷୟରେ ଜଣାଇବାକୁ ଯାଉଛୁ ଯାହାଙ୍କ ୧୪ ଥର ଲଟେରୀ ଲାଗିଛି । ଗଣିତଜ୍ଞ ଷ୍ଟିଫନ ମଣ୍ଡେଲ ଗୋଟେ ପରେ ଗୋଟେ ଲଟେରୀ ଜିତିଲେ, କିନ୍ତୁ କେବେ ବି ଆଇନର ଉଲ୍ଲଂଘନ କରିନାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ରୋମାନିଆରେ ଜନ୍ମିତ ଅଷ୍ଟ୍ରେଲୀୟ ନାଗରିକ ସିଷ୍ଟମକୁ କ୍ରେକ୍ କରିବା ପାଇଁ ନିଜର ଗଣିତ ଜ୍ଞାନର ବ୍ୟବହାର କରି ଏକ ସୂତ୍ର ତିଆରି କଲେ । ତା’ପରେ ତାଙ୍କର ଲଗାତାର ଲଟେରୀ ଲାଗିଲା । ସେଥିପାଇଁ ବାଧ୍ୟ ହୋଇ ଲଟେରୀ ସମ୍ପର୍କିତ ନିୟମ ବଦଳାଇବାକୁ ପଡିଲା ।
ରୋମାନିଆରେ ଅର୍ଥ ଶାସ୍ତ୍ରୀ ଭାବେ କାମ କରୁଥିବା ବେଳେ ମଣ୍ଡେଲ ୫ ଅଙ୍କର ଫର୍ମୁଲାରୁ ୬ତମ ନମ୍ବରର ସଠିକ୍ ଅନୁମାନ ଲଗାଇବା ଆରମ୍ଭ କରିଦେଇଥିଲେ । ବଡ ଆକାରର ପରିମାଣ ଜିତିବା ପରେ ତାଙ୍କ ପରିବାର ସହିତ ଅଷ୍ଟ୍ରେଲିୟା ଚାଲିଗଲେ । ସେଇଠି ବି ସେ ନିଜର ପୁରୁଣା ଫର୍ମୁଲା ଆପଣେଇବା ଆରମ୍ଭ କରିଦେଲେ । ତା’ ପରେ ଅଷ୍ଟ୍ରେଲିୟା ଅଧିକାରୀଙ୍କ ନଜର ତାଙ୍କ ଉପରେ ପଡିଲା । କୈାଣସି ବି ପ୍ରକାରରେ ଆଇନର ଉଲ୍ଲଂଘନ ବିନା ମଣ୍ଡେଲଙ୍କୁ ବ୍ଲକ୍ କରିବା ପାଇଁ ନିୟମ କଡାକଡି କରାଗଲା । ଏହାପରେ ଜଣେ ବ୍ୟକ୍ତି ପାଇଁ ସମସ୍ତ ଲଟେରୀ ଟିକେଟ୍ କିଣିବା ବେଆଇନ୍ କରାଗଲା । ଏହାପରେ ମଣ୍ଡେଲଙ୍କୁ ୫ ବିଜନେସ୍ ପାର୍ଟନରଙ୍କ ସହଯୋଗ ମିଳିଗଲା । ଯେତେବେଳେ ଗ୍ରୁପ୍ ରେ ଲୋକଙ୍କୁ ସମସ୍ତ ଲଟେରୀ ଟିକେଟ କିଣିବା ଉପରେ ନିଷେଧ ହେଲା, ତ ସେ ଏକ ଲଟେରୀ ଫାର୍ମ ଛିଡା କରିଦେଲେ ।
ଅଷ୍ଟ୍ରେଲିୟାରେ ଅଧିକ ଅସୁବିଧା ହେବାରୁ ମଣ୍ଡେଲ ଆମେରିକା ଲଟେରୀ ସିଷ୍ଟମ ଉପରେ ଫୋକସ୍ କଲେ । ସେ ୩ କୋଟି ଡଲାରରୁ ଅଧିକ ଆୟ କଲେ । ସେ ଗୋଟିଏ ଲଟେରୀ ରୋମାନିଆରେ, ୧୨ ଟି ଲଟେରୀ ଅଷ୍ଟ୍ରେଲିୟାରେ ଓ ଆମେରିକାର ଭର୍ଜିନିଆରେ ସବୁଠାରୁ ବଡ ଜ୍ୟାକପଟ୍ ଜିତିଲେ । ସେ ବ୍ରିଟେନ୍ ଓ ଇସ୍ରାଏଲରେ ବି ଲଟେରୀ କିଣିଲେ । ଜାଲିଆତି ମାମଲାରେ ତାଙ୍କୁ ୨୦ ମାସ ଜେଲରେ ବିତାଇବାକୁ ପଡିଛି ।