ଗାନ୍ଧୀଙ୍କ ନାମରୁ ‘ମହାତ୍ମା’ ହଟାଇବାକୁ କରିଥିଲେ ଆବେଦନ ! ହାଇକୋର୍ଟ ଲଗାଇଲା ୧୦ ହଜାର ଟଙ୍କାର ଜରିମାନା
କନକ ବ୍ୟୁରୋ: ମାଦ୍ରାସ ହାଇକୋର୍ଟରେ ଜଣେ ବ୍ୟକ୍ତି ନୋଟ୍ ଉପରେ ଥିବା ଗାନ୍ଧୀଙ୍କ ନାମ ପୂର୍ବରୁ ‘ମହାତ୍ମା’ ଶବ୍ଦ ହଟାଇବା ପାଇଁ ଏକ ଜନ ସ୍ୱାର୍ଥ ମାମଲା ରୁଜୁ କରିଥିଲେ । ତାଙ୍କର ଏହି ଆବେଦନକୁ କୋର୍ଟ ଖାରଜ କରିବା ସହ ଅଯଥାରେ ଅଦାଲତ ସମୟ ନଷ୍ଟ କରିବା ଅଭିଯୋଗରେ ୧୦,୦୦୦ ଟଙ୍କା ଜରିମାନା ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗକାରୀ ଏସ୍ ମୁରୁଗନାନ୍ଥମ ଆଣିଥିବା ଏହି ଜନ ସ୍ୱାର୍ଥ ମାମଲାକୁ ମୁଖ୍ୟ ବିଚାରପତି ଇନ୍ଦିରା ବାନାର୍ଜୀ ଏବଂ ବିଚାରପତି ଏମ୍ ସୁନ୍ଦର ଏକ ଭିତ୍ତିହୀନ ଆବେଦନ ବୋଲି କହିଛନ୍ତି। ଯାହାକି ଅଦାଲତଙ୍କର ମୂଲ୍ୟବାନ ସମୟ କ୍ଷୟ କରିଛି ।
ଉଲ୍ଲେଖଯୋଗ୍ୟ, ଭାରତୀୟ ନୋଟରେ ଏମ୍ କେ ଗାନ୍ଧୀଙ୍କ ନାମ ପୂର୍ବରୁ ଲେଖାଯାଇଥିବା ‘ମହାତ୍ମା’ ଶବ୍ଦ ସମ୍ବିଧାନର ଧାରା ୧୪ ଏବଂ ୧୮କୁ ଉଲଂଘନ କରୁଛି ବୋଲି ଅଭିଯୋଗକାରୀ ଯୁକ୍ତି କରିଥିଲେ । ଭାରତୀୟ ରିଜର୍ଭ ବ୍ୟାଙ୍କ ନୋଟ୍ ଉପରେ ଗାନ୍ଧୀଙ୍କ ନାମ ପୂର୍ବରୁ ‘ମହାତ୍ମା’ ଲେଖି ଟଙ୍କା ଛାପିବା ସମ୍ବିଧାନକୁ ଅପମାନ ବୋଲି ସେ ଦାବି କରିଥିଲେ ।