ବୀମା ଅର୍ଥ ପାଇବା ନିଶାରେ ମୃତ୍ୟୁର ମିଛ ନାଟକ ରଚିଲେ ଯୁବକ, ଯାହାଙ୍କ ଖୁସି ପାଇଁ କରିଥିଲେ ନାଟକ ସେମାନେ ନେଲେ ଏଭଳି ଲୋମଟାଙ୍କୁରା ପଦକ୍ଷେପ
ଆଜିକାଲି ଲୋକମାନେ ନିଜ ଅସୁବିଧାର ସମାଧାନ ପାଇଁ ଭୁଲ ବାଟରେ ଯିବା ପାଇଁ ମଧ୍ୟ ପଛାଉ ନାହାନ୍ତି । କିଛି ଲୋକ ସରାକାର ଲୋକମାନଙ୍କ ସୁବିଧା ପାଇଁ ତିଆରି କରିଥିବା ନିୟମକୁ ମଧ୍ୟ ଭୁଲ ବାଟରେ ବ୍ୟବହାର କରୁଥିବା ଦେଖାଯାଉଛି । ଯାହାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ଚୀନରେ । ଜଣେ ଯୁବକଙ୍କୁ ନିଜ ମୃତ୍ୟୁର ମିଥ୍ୟ ଖବର ପ୍ରସାର କରିବା ଭାରି ପଡ଼ିଛି । ଘରର ଆର୍ଥିକ ଅବସ୍ଥା ଭଲ ନଥିବାରୁ ଚୀନରେ ରହୁଥିବା ଜଣେ ଯୁବକ ନିଜ ମୃତ୍ୟୁର ମିଛ ନାଟକ ରଚିଥିଲେ । ମୃତ୍ୟୁ ପରେ ତାଙ୍କ ପରିବାରକୁ ଯେଉଁ ବୀମା ରାଶି ମିଳିବି ତାକୁ ନେଇ ସେ ନିଜର ସମସ୍ତ ଆର୍ଥିକ ସମସ୍ୟାକୁ ଦୂର କରିବେ ବୋଲି ଭାବିଥିବା ବେଳେ କାହାଣୀଟି ପୂରା ଓଲଟି ଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଯୁବକ ଜଣଙ୍କ ନିଜର ମୃତ୍ୟୁର ମିଛ ନାଟକ ରଚିବା ପାଇଁ ନିଜ କାରକୁ ଦ୍ରୁତ ଗତିରେ ଚଳାଇବା ସହ ଏକ ନଦୀ ଭିତରକୁ ପଶାଇ ଦେଇଥିଲେ । କିନ୍ତୁ ଗାଡ଼ିଟି ପାଣି ଭିତରକୁ ଯିବା ପୂର୍ବରୁ ନିଜର ସମସ୍ତ ପରିଚୟ ପତ୍ର ଗାଡ଼ିରେ ରଖି ଯୁବକ ଜଣଙ୍କ ଗାଡ଼ି ଭିତରୁ ବାହାରି ଆସିଥିଲେ । ଗାଡ଼ି ଦୁର୍ଘଟଣାଗ୍ରସ୍ଥ ହେବା ପରେ ପୁଲିସ ଘଟଣାସ୍ଥଳରେ ପହଞ୍ଚି ଛାନ୍ ଭିନ୍ କରିଥିଲେ ମଧ୍ୟ ଯୁବକଙ୍କ ମୃତ ଦେହ ମିଳିନଥିଲା । କିଛି ଦିନ ଖୋଜିବା ପରେ ମୃତଦେହ ନ ମିଳିବାରୁ ଯୁବକଙ୍କ ମୃତ୍ୟୁ ଖବର ପରିବାର ଲୋକଙ୍କୁ ଦିଆଯାଇଥିଲା । ଘରେ ଯୁବକଙ୍କ ସ୍ତ୍ରୀ ଏବଂ ଦୁଇଟି ପିଲା ମୃତ୍ୟୁ ଖବର ଶୁଣି ଭାଙ୍ଗି ପଡ଼ିବା ସହ ଘରର ଆର୍ଥିକ ଅବସ୍ଥା ଦେଖି ଆତ୍ମହତ୍ୟାର ବାଟ ବାଛି ନେଇଥିଲେ । ଘରର ଆର୍ଥିକ ଅବସ୍ଥା ସୁଧାରିବା ପାଇଁ ଯୁବକ ଜଣଙ୍କ ଯେଉଁ ଉପାୟ ବାଛିଥିଲେ ତାହା ତାଙ୍କୁ ଭାରି ପଡ଼ିଥିଲା । ପରେ ସେ ନିଜର ଭୁଲ୍ ବୁଝି ପାରି ପୁଲିସ ଆଗରେ ଆତ୍ମସମର୍ପଣ କରିଥିଲେ ।