ଭୁବନେଶ୍ୱରରେ ଭେଜାଲ ସୁନା ! ଦାମୀ ସୁନା ଦୋକାନର ଲୋଗୋ ଦେଇ ବିକ୍ରି କରୁଥିବା ବେଳେ ଧରିଲା ପୋଲିସ
କନକ ବ୍ୟୁରୋ : ଧରାପଡିଲା ଠକ ସୁନା ବେପାରୀ । ଅପମିଶ୍ରିତ ସୁନାରେ ନାମୀ ଦାମୀ ସୁନାଗହଣା ଦୋକାନର ଲୋଗୋ ଦେଇ ବିକ୍ରି ଉଦ୍ୟମ କରୁଥିବା ବେଳେ ଜଣେ ଦୁର୍ବୃତକୁ ଗିରଫ କରିଛି ପୋଲିସ । ଭୁବନେଶ୍ୱରର ଏକ ନାମୀ ସୁନା ଦୋକାନରୁ ଏଭଳି ଜଣେ ଠକକୁ ଗିରଫ କରି କୋର୍ଟ ଚାଲାଣ କରିଛି ଖାରବେଳନଗର ଥାନା ପୋଲିସ । ଗିରଫ ବ୍ୟକ୍ତି ଜଣକ ଭୁବନେଶ୍ୱରର ଏକ ନାମୀ ସୁନାଦୋକାନରେ ଅପମିଶ୍ରିତ ସୁନା ନକଲି ଲୋଗୋ ଲଗାଇ ବ୍ରିକ୍ରି କରିବାକୁ ଉଦ୍ୟମ କରିଥିଲେ । କିନ୍ତୁ ଦୋକାନୀଙ୍କୁ ସୁନାର ଶୁଦ୍ଧତା ଉପରେ ସନ୍ଦେହ ହେବାରୁ ସେ ଅଧିକ ପଚରା ଉଚୁରା କରିଥିଲେ । ଫଳରେ ଠକ ଜଣକ ଦୋକାନ ଛାଡି ପଳାଇବାରୁ ସୁନା ଦୋକାନୀ ଏ ନେଇ ଖାରବେଳନଗର ଥାନାରେ ଅଭିଯୋଗ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ପୋଲିସ ଠକକୁ ଖୋଜି ଗିରଫ କରିବା ସହ ତାଙ୍କ ନିକଟରୁ ୩୦ ଗ୍ରାମରୁ ଅଧିକ ସୁନା ଜବତ କରିଥିଲେ । ଜବତ ସୁନାର କେମିକାଲ ଯାଂଚ ପରେ ପାଖାପାଖି ୭୦ ପ୍ରତିଶତ ଖାଦ ଥିବା ବେଳେ ୩୦ ପ୍ରତିଶତ ସୁନା ଥିବା ଜଣାପଡିଥିଲା । ଏହି ଅପମିଶ୍ରିତ ସୁନା ପଛରେ ଏକ ର୍ୟାକେଟ କାମ କରୁଥିବା ସନ୍ଦେହ କରୁଛି ପୋଲିସ ।