ନଦୀରେ ମିଳିଲା ବାପା – ଝିଅଙ୍କ ଶବ ! ଗୋଟିଏ ସାର୍ଟ ଭିତରେ ବାପା – ଝିଅ ଗୁଡାଇ ଥିବା ଫଟୋ ହେଲା ଭାଇରାଲ୍ , ଆମେରିକାରେ ପ୍ରବେଶ ପାଇଁ କରୁଥିଲେ ପ୍ରୟାସ
ସାଲବାଡୋର୍ ରୁ ଦୌଡି ରିସ୍କ ନେଇ ମ୍ୟାକ୍ସିକୋରୁ ଆମେରିକା ପଶିବା ପାଇଁ ଚେଷ୍ଟା କରୁଥିଲେ । ରମାୟରେଜ୍ ନିଜ ଝିଅକୁ ପିଠି ଉପରେ ଲଦି ନଦୀ ପାର୍ କରୁଥିଲେ । ନଦୀ ପାର୍ ହେଉଥିବା ସମୟରେ ଝିଅକୁ ସୁରକ୍ଷିତ ରଖିବା ପାଇଁ ରମାୟରେଜ୍ ଝିଅକୁ ନିଜ ଟି-ସାର୍ଟରେ ଭିତରେ ରଖି ପାର୍ ହେଉଥିଲେ । କିନ୍ତୁ ନଦୀର ଦ୍ରୁତ ସ୍ରୋତରେ ଦୁହେଁ ବୋହି ଯାଇଥିଲେ ଏବଂ ବୁଡି ଯାଇଥିଲେ । ପତ୍ନୀ ନିଜକୁ ବଚାଂଇବାରେ ସଫଳ ହୋଇଥିଲେ ହେଁ ବାପା,ଝିଅଙ୍କ ମୃତ୍ୟୁ ହୋଇଯାଇଥିଲା । ଦୁହିଁଙ୍କ ଶବ ସୋମବାର ମ୍ୟାକ୍ସିକୋ ଟମୋଲିପାସ୍ ରାଜ୍ୟର ମାଟାମୋରସ୍ ରୁ ମିଳିଥିଲା । ବାପା, ଝିଅର ଶବ ପାଣି ଭିତରେ ମୁହଁ ମାଡି ତଳେ ପଡିଥିବା ଦେଖା ଦେଇଥିଲା । ଫଟୋଟି ସାମ୍ନାକୁ ଆସିବା ପରେ ଆଲ୍ ସାଲବାଡୋର୍ ଏବଂ ମ୍ୟାକ୍ସିକୋରେ ଖୁବ୍ ଆକ୍ରୋଶ ଦେଖିବାକୁ ମିଳିଥିଲା । ଶରଣାର୍ଥୀଙ୍କ ଖରାପ ବ୍ୟବହାରକୁ ନେଇ ସେଠାକାର ସରକାର କଡା ଆଲୋଚନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତବର୍ଷ ଡିସେମ୍ବରରେ ରାଷ୍ଟ୍ରପତି ପଦ ସମ୍ଭାଳିବା ଥିବା ଅନ୍ଦ୍ରେସ୍ ମାନ୍ୟୁଆଲ୍ ଲୋପେଜ୍ ଓବ୍ରାଦୋର୍ ରେ ଶରଣାର୍ଥୀଙ୍କ ଅଧିକାରୀକୁ ରକ୍ଷା କରିବା ପାଇଁ ପ୍ରଣ ନେଇଛି । କିନ୍ତୁ ତାଙ୍କୁ ସେତେବେଳେ କଡା ଆଲୋଚନାର ଶିକାର ହେବାକୁ ପଡିଥିଲା ରିୟୋ ଗ୍ରେନେଡରେ ଦୁଇ ମହିଳା ଏବଂ ଜଣେ ଝିଅକୁ ବଳପୂର୍ବକ ଥାନାରେ ନେଇ ରାଷ୍ଟ୍ରୀୟ ସୁରକ୍ଷା ବଳ ଏକ ଫଟୋ ଦେଇଥିଲେ । ଛାତି ଥରାଇଲା ଭଳି ବାପା-ଝିଅଙ୍କ ଫଟୋକୁ ନେଇ ସାଲବାଡୋର୍ ର ବିଦେଶ ମନ୍ତ୍ରୀ ଆଲେକଜାଣ୍ଡାର ହିଲ୍ କହିଥିଲେ , ଆମ ଦେଶ ପୁଣିଥରେ ଶୋକର ସାଗରରେ ବୁଡିଯାଇଛି । ମୁଁ ସମସ୍ତ ପରିବାର ତଥା ଅଭିଭାବକଙ୍କୁ ପ୍ରାର୍ଥନା କରୁଛି ଏଭଳି ପଦକ୍ଷେପ ନିଅନ୍ତୁ ନାହିଁ ତଥା ଜୀବନକୁ ବାଜି ଲଗାନ୍ତୁ ନାହିଁ ।