ବିଜେପିକୁ ଖୋଲା ଧମକ ଦେଲେ ମମତା । କହିଲେ, ତୁମ ଭାଗ୍ୟ ଭଲ ମୁଁ ଶାନ୍ତ ବସିଛି । ନଚେତ ଗୋଟିଏ ସେକେଣ୍ଡରେ ଦଖଲ କରିନେବି ଦିଲ୍ଲୀ ବିଜେପି କାର୍ଯ୍ୟାଳୟ ।
କୋଲକାତାରେ ମଙ୍ଗଳବାର ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କ ରୋଡ ସୋ ସମୟରେ ହିଂସା ପରେ ମମତା-ବିଜେପି କଳି ଉଗ୍ର ରୂପ ଧରିଛି । ଉଭୟ ବିଜେପି ଓ ଟିଏମସି ପରସ୍ପର ଉପରେ ଦୋଷ ଲଦାଲଦି ହେଉଥିବା ବେଳେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉଗ୍ର ରୂନ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ମମତା ବିଜେପିକୁ ସିଧାସଳଖ ଧମକ ଦେବା ସହ କହିଛନ୍ତି, ତୁମ ଭାଗ୍ୟ ଭଲ ଯେ ମୁଁ ଏଠାରେ ଶାନ୍ତିରେ ବସିଛି । ନହେଲେ ମୁଁ ଗୋଟିଏ ସେକେଣ୍ଡରେ ଦିଲ୍ଲୀରେ ବିଜେପି କାର୍ଯ୍ୟାଳୟ ଉପରେ କବଜା କରିପାରିବି । ଏହାଛଡା ଅମିତ ଶାହଙ୍କୁ ଟାର୍ଗେଟ କରିବାକୁ ଯାଇ କହିଛନ୍ତି, ସେ କଣ ଭଗବାନ ଯେ, କୌଣସି ଲୋକ ତାଙ୍କ ବିପକ୍ଷରେ ପ୍ରର୍ଦଶନ କରିପାରିବେ ନାହିଁ । ଅମିତ ଶାହଙ୍କ ରୋଡ ସୋରେ ହିଂସା ପରେ ଏଭଳି ବୟାନ ଦେଇଛନ୍ତି ମମତା ।
#WATCH: Visuals after clashes broke out at BJP President Amit Shah’s roadshow in Kolkata. #WestBengal pic.twitter.com/laSeN2mGzn
— ANI (@ANI) May 14, 2019
ଏହାପୂର୍ବରୁ ଗତକାଲି କୋଲକାତାରେ ଅମିତ ଶାହ ରୋଡ ସୋ କରୁଥିବା ବେଳେ ତୃଣମୁଳ କଂଗ୍ରେସ ଓ ବିଜେପି କର୍ମୀଙ୍କ ମଧ୍ୟରେ ଗଣ୍ଡଗୋଳ ଦେଖିବାକୁ ମିଳିଥିଲା । ଏପରିକି ଅମିତ ଶାହଙ୍କ ଗାଡି ଉପରକୁ ମଧ୍ୟ ଲାଠିମାଡ କରିଥିଲେ ଆକ୍ରମଣକାରୀ । ରୋଡ ସୋ ପରେ ଶାହ କହିଥିଲେ, ମୋର ରାଲି ଚାଲିଥିବା ବେଳେ ହିଂସା ସୃଷ୍ଟି କରିବାକୁ ପ୍ରୟାସ କରାଯାଇଥିଲା । ତୃଳମୂଳ କଂଗ୍ରେସ କର୍ମୀ ରୋଡ ସୋ ସମୟରେ ଇଟା ଓ ପଥର ମାଡ କରିଥିଲେ । ଯାହା ଫଳରେ ଦୁଇ ପକ୍ଷ ମଧ୍ୟରେ ସଂଘର୍ଷ ଦେଖିବାକୁ ମିଳିଥିଲା । ଆଉ ଏହି ଘଟଣାକୁ ନେଇ ଏବେ ପଶ୍ଚିମବଙ୍ଗ ରାଜନୀତି ଉଷ୍ମ ହୋଇଛି ।