ସୁପ୍ରିମକୋର୍ଟଙ୍କ ରାୟକୁ ମମତା ବାନାର୍ଜିଙ୍କ ସ୍ୱାଗତ: ପଶ୍ଚିମବଙ୍ଗ ଓ ଦେଶର ଜନତାଙ୍କ ନୈତିକ ବିଜୟ ବୋଲି କଲେ ଘୋଷଣା
କହିଲେ, ଧାରଣା ଜାରି ରଖିବା ନବୀନ ପଟ୍ଟନାୟକଙ୍କ ସହ କରିବେ ଆଲୋଚନା
କନକ ବ୍ୟୁରୋ: ସୁପ୍ରିମକୋର୍ଟ ରାୟକୁ ମମତା ବାନାର୍ଜୀ ସ୍ୱାଗତ କରିଛନ୍ତି । ଏହା ଜନତାଙ୍କ ବିଜୟ ବୋଲି ବୋଲି କହିଛନ୍ତି । ମମତା ବାନାର୍ଜୀ ପୁଣି କେନ୍ଦ୍ର ଉପରେ ବର୍ଷିଛନ୍ତିା ସେ ଅଭିଯୋଗ କରିଛନ୍ତି, କେନ୍ଦ୍ର ରାଜ୍ୟର କାମରେ ଅଯଥା ହସ୍ତ କ୍ଷେପ କରୁଛି । ସମ୍ବିଧାନର ଉଲ୍ଲଙ୍ଘନ କରୁଛି କେନ୍ଦ୍ର । ଏହି ଆନ୍ଦୋଳନ ସମସ୍ତଙ୍କ ଆନ୍ଦୋଳନ । ଏହାଦ୍ୱାରା ଦେଶବାସୀଙ୍କ ବିଜୟ ହୋଇଛି । ନିର୍ବାଚନ ପୂର୍ବରୁ ଯାଂଚ କଥା କେନ୍ଦ୍ରର କାହିଁକି ଆସିଲା ବୋଲି ମମତା ପ୍ରଶ୍ନ କରିଛନ୍ତି । ଆଜିର ବିଜୟ ଦେଶର ବିଜୟ ବୋଲି କହିଛନ୍ତି । ବିନା ନୋଟିସରେ ସିବିଆଇ କାହିଁକି ଘରକୁ ଗଲା ବୋଲି ମମତା ପ୍ରଶ୍ନ କରିଛନ୍ତି । କଥା କଥାରେ କେନ୍ଦ୍ର ସିବିଆଇର ଭୟ ଦେଖାଉଛିି କେନ୍ଦ୍ର ବୋଲି ଅଭିଯୋଗ ଆଣିଛନ୍ତି ମମତା ବାନାର୍ଜୀ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସୁପ୍ରିମକୋର୍ଟଙ୍କ ରାୟ ପ୍ରକାଶ ପରେ ଆଗକୁ ଧାରଣା ଜାରି ରଖିବେ କି ନାହିଁ ସେ ନେଇ ଅନ୍ୟନେତା ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଆଲୋଚନା କରିବେ ବୋଲି କହିଛନ୍ତି ମମତା ବାର୍ନାଜୀ । ନବୀନ ପଟ୍ଟନାୟକ ତାଙ୍କୁ ସମର୍ଥନ ଦେବେ , ତେଣୁ ସେ ଫୋନ କରି ଏନେଇ ନବୀନ ସହ ଆଲୋଚନା କରିବେ ବୋଲି ଧାରଣା ସ୍ଥଳରୁ କହିଛନ୍ତି । ସାମ୍ବାଦିକ ମାନେ ଧାରଣା ଜାରି ରହିବ କି ନାହିଁ ପ୍ରଶ୍ନର ମମତା ଉତର ରଖିଥିଲେ । ଗତ ରବିବାର ରାତି ୮ଟାରୁ କୋଲକାତା ମେଟ୍ରୋ ଚ୍ୟାନେଲ ସମ୍ମୁଖରେ ଟିଏମ୍ସିର ନେତା ଓ କର୍ମୀଙ୍କ ସହ ଧାରଣାରେ ବସିଛନ୍ତି ଦିଦି । କୋଲକାତା ପୁଲିସ କମିଶନରଙ୍କୁ ଜେରା କରିବାକୁ ଯାଇଥିବା ସିିବିଆଇକୁ ବିରୋଧ କରି ମମତା ବାନାର୍ଜୀ ଧାରଣା ଦେଇଛନ୍ତି ।
ବଙ୍ଗ ବିବାଦର ବଡ଼ ରାୟ । ସୁପ୍ରିମକୋର୍ଟ କହିଛନ୍ତି, ସିବିଆଇ ସାମ୍ନାରେ ହାଜର ହୁଅନ୍ତୁ କୋଲକାତା ପୋଲିସ କମିସନର୍ ରାଜୀବ କୁମାର । ସୁପ୍ରିମକୋର୍ଟ ପ୍ରଧାନ ବିଚାରପତି ଜଷ୍ଟିସ ରଞ୍ଜନ ଗୋଗୋଇ କହିଛନ୍ତି ସିବିଆଇ ପଚରାଉଚରାରେ ରାଜୀବ ସହଯୋଗ କରନ୍ତୁ । ତେବେ ରାଜୀବ କୁମାରଙ୍କୁ ସିବିଆଇ ଗିରଫ କରିପାରିବ ନାହିଁ କହିଛନ୍ତି ସର୍ବୋଚ୍ଚ ଅଦାଲତ ।
ଅନ୍ୟପଟେ ଅଦାଲତ ଅବମାନନା ମାମଲାରେ ନୋଟିସ ଜାରି କରିଛନ୍ତି ସୁପ୍ରିମକୋର୍ଟ । ଫେବୃଆରୀ ୧୮ ସୁଦ୍ଧା ଏହାର ଜବାବ ଦାଖଲ୍ କରିବାକୁ କହିଛନ୍ତି ସର୍ବୋଚ୍ଚ ଅଦାଲତ୍ । ଫେବୃଆରୀ ୨୦ ତାରିଖ ସୁଦ୍ଧା କୋର୍ଟରେ ହାଜର୍ ହେବାକୁ ରାଜୀବ କୁମାର, ପଶ୍ଚିମବଙ୍ଗ ମୁଖ୍ୟ ଶାସନ ସଚିବ ଓ ଡିଜିପିଙ୍କୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ରାଜୀବ କୁମାର ଏନେଇ ଆଟର୍ଣ୍ଣି ଜେନେରାଲ ସୁପ୍ରିମକୋର୍ଟଙ୍କୁ କହିଥିଲେ, ପ୍ରମାଣ ସହ ହେରଫେର୍ କରାଯାଇଛି । ସିବିଆଇକୁ ଦିଆଯାଇଥିବା ପ୍ରମାଣ ଅସମ୍ପୂର୍ଣ୍ଣ ବୋଲି କହିଥିଲେ ଆଟର୍ଣ୍ଣି ଜେନେରାଲ୍ ।