ଭରଣପୋଷଣ ପାଇଁ ଅରବାଜଙ୍କ ଠାରୁ ୧୫ କୋଟି ଦାବି କଲେ ମଲାଇକା ଆରୋରା ଖାନ
ବିବାହିତ ଦମ୍ପତିଙ୍କ ପାଇଁ ଉଦାହରଣ ପାଲଟିଥିବା ମଲାଇକା ଆରୋରା ଖାନ ଓ ଅରବାଜଙ୍କ ସଂପର୍କରେ ଏବେ ଫାଟ ସୃଷ୍ଟି ହୋଇଛି । ୧୮ ବର୍ଷର ବୈବାହିକ ଜୀବନ ବିତାଇବା ପରେ ମଲାଇକା ଏବେ ସେମାନଙ୍କ ସଂପର୍କକୁ ଭାଙ୍ଗି ଅରବାଜଙ୍କ ଠାରୁ ଛାଡପତ୍ର ନେବାକୁ ମନସ୍ଥ କରି ସାରିଛନ୍ତି । ଏହାସହ ମଲାଇକା ତାଙ୍କର ଭରଣପୋଷଣ ପାଇଁ ଅରବାଜଙ୍କ ଠାରୁ ୧୫ କୋଟି ଟଙ୍କା ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୈନିକ ଭାସ୍କରର ଏକ ରିପୋର୍ଟ ଅନୁସାରେ ମଲାଇକା କୋର୍ଟରେ ଭରଣପୋଷଣ ପାଇଁ ଯେଉଁ ଟଙ୍କା ଦାବି କରିଛନ୍ତି ସେଥିରେ ୩.୫ କୋଟି ଟଙ୍କା ମୁମ୍ବାଇର ବାନ୍ଦ୍ରାରେ ଏକ ଫ୍ଲାଟ ପାଇଁ , ପୁଅ ପାଇଁ ୨.୫ କୋଟି ଟଙ୍କା ଫିକ୍ସଡ ଡିପୋଜିଟ ଓ ପୁଅ ନାଁରେ ୨ କୋଟିର କାର ଆଦି ସାମିଲ ଅଛି । ଏହା ବ୍ୟତୀତ ମଲାଇକା ସେମାନଙ୍କ ପୁଅର ୨୧ ବର୍ଷ ହେବା ପର୍ଯ୍ୟନ୍ତ ପ୍ରତି ମାସରେ ୫ ଲକ୍ଷ ଟଙ୍କାଏ ପଢା ଖର୍ଚ୍ଚ ମଧ୍ୟ ଦାବିି କରିଛନ୍ତି । ଏହାସହ ନିଜ ପାଇଁ ମଲାଇକା ଅରବାଜଙ୍କ ଠାରୁ ୫ କୋଟି ଟଙ୍କା ମାଗିଛନ୍ତି ।
ସେପଟେ ଅରବାଜଙ୍କ ସିନେ କ୍ୟାରିୟରରେ ସେମିତି କିଛି ଆଖି ଦୃଶିଆ ସଫଳତା ଦେଖିବାକୁ ମିଳୁନି ଏବଂ ପ୍ରଯୋଜକ ହୋଇ ସେ ଯେଉଁ ସିନେମା ସବୁ ତିଆରି କରିଛନ୍ତି , ସେ ଟଙ୍କା ଭାଇ ସଲମାନ ତାଙ୍କୁ ଦେଇଛନ୍ତି ବୋଲି ସୂଚନା ମିଳିଛି । ଏମିତିରେ ଅରବାଜଙ୍କ ଓଳିଲ ଅଦାଲତରେ ସ୍ପଷ୍ଟ କରିଛନ୍ତି ଯେ ଅରବାଜ ମଲାଇକାଙ୍କ ଏଇ ଦାବିକୁ ପୂରଣ କରିବା ପାଇଁ ସକ୍ଷମ ନୁହଁନ୍ତି ।
ଅରବାଜ କୋର୍ଟରେ କହିଛନ୍ତି ସେ ନିଜ ବୈବାହିକ ଜୀବନକୁ ବଞ୍ଚାଇବା ପାଁଇ ବହୁତ ଚେଷ୍ଟା କରିଛନ୍ତି କିନ୍ତୁ ମଲାଇକା ତାଙ୍କ ଜିଦରେ ଅଟଳ । ଏ ମାମଲାରେ ଏଯାଏଁ କୋର୍ଟ କୈାଣସି ରାୟ ଶୁଣାଇ ନାହାନ୍ତି ଏବଂ ଭରଣପୋଷଣ ରାଶି ଉପରେ ଉଭୟଙ୍କ ସ୍ଥିତିକୁ ବିଚାର କରି ନିଷ୍ପତି ନିଆଯିବ ବୋଲି କୋର୍ଟ କହିଥିବା ସୂଚନା ମିଳିଛି ।