ମାଲକାନଗିରି ବିଛିନ୍ନାଂଚଳରେ ମାଓ ବିରୋଧୀ ମିଳିତ ଅପରେସନ ଜାରି । ପଣସପଦରେ ନକ୍ସଲ ଶିବିର ଧ୍ୱଂସ, ଏନକାଉଂଟରରେ ଜଣେ ମାଓବାଦୀ ନିହତ
କନକ ବ୍ୟୁରୋ: ମାଲକାନଗିରି ବିଛିନ୍ନାଂଚଳରେ ମାଓ ବିରୋଧୀ ଅପରେସନ ଜାରି । ଏନକାଉଂଟରରେ ଜଣେ ମାଓବାଦୀ ନିହତ ହୋଇଛନ୍ତି । ଏହା ସହିତ ପଣସପଦରଠାରେ ଥିବା ମାଓ ଶିବିର ଧ୍ୱଂସ ହୋଇଛି । ଏବଂ ୨ଟି ବନ୍ଧୁକ ଓ କିଟ୍ ବ୍ୟାଗ ଜବତ କରିଛି ସୁରକ୍ଷାବଳ । ଆନ୍ଧ୍ର ଗ୍ରେହାଉଣ୍ଡ ଓ ଓଡିଶା ଏସଓଜି ପକ୍ଷରୁ ଜଏଂଟ ଅପରେସନ ଜାରି ରହିଛି । ଗତକାଲିଠୁ ଜାରି ରହିଛି ମିଳିତ ଅପରେସନ । ଏହି ସୂଚନା ଦେଇଛନ୍ତି ମାଲକାନଗିରି ଏସପି ଜଗମୋହନ ମିନା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ୍ ବିଛିନ୍ନାଞ୍ଚଳର ପଣସପଦର ଗାଁ ନିକଟରେ ମାଓବାଦୀମାନେ କ୍ୟାମ୍ପ କରିଥିବା ସୂଚନା ଆଇ ଅନ୍ଧ୍ରପ୍ରଦେଶର ଗ୍ରେହାଉଣ୍ଡ ଓ ଓଡ଼ିଶାର ଏସଓଜି ଯବାନ ମିଳିତ ଭାବେ ଚଢ଼ାଉ କରିଛନ୍ତି। ବିଛିନ୍ନାଞ୍ଚଳରେ କମ୍ବିଂ ଅପରେସନ୍ ଚାଳାଇଥିବା ଜବାନମାନଙ୍କୁ ଏହି ସୂଚନା ମିଳିଥିଲା । ଏଥିରେ ଜଣେ ମାଓବାଦୀଙ୍କର ମୃତ୍ୟୁ ଘଟିଥିବା ବେଳେ ଏକାଧିକ ଆହତ ହୋଇ ଜଙ୍ଗଲ ଭିତରକୁ ଖସିଯିବାରେ ସକ୍ଷମ ହୋଇଛନ୍ତି। ପୁଲିସ ଘଟଣାସ୍ଥଳରୁ ଜଣେ ମାଓବାଦୀଙ୍କ ମୃତଦେହ ସହିତ ଗୋଟିଏ ଏସଏଲଆର ଓ ଗୋଟିଏ ଥ୍ରି ନଟ୍ ଥ୍ରି ବନ୍ଧୁକ ଜବତ କରିଛି।