ମାଲକାନଗିରି : ଭଉଣୀ ହେବ ତ ଏମିତି, ସାନ ଭାଇକୁ କିଡନୀ ଦେବେ ବଡ ଭଉଣୀ
କନକ ବ୍ୟୁରୋ : ଭାଇ, ଭଉଣୀର ସମ୍ପର୍କ ସତରେ ଅତି ନିଆରା । ଭାଇ ଯେ କେବଳ ଭଉଣୀକୁ ରକ୍ଷା କରିବ ସେକଥା ନୁହେଁ ଦରକାର ପଡ଼ିଲେ ଭଇଣୀ ଜୀବନକୁ ପାଣି ଛଡ଼ାଇ ଭାଇକୁ ରକ୍ଷା କରିବା ପାଇଁ ଆଗେଇ ଆସେ । ଭଉଣୀ ହେବତ ଏମିତି, ଯିଏ ନିଜର ଅଙ୍ଗ ପ୍ରଦାନ କରି ଭାଇକୁ ନୂଆଁ ଜୀବନ ଦେବା ପାଇଁ ଆଗେଇ ଆସିଛି । ଭାଇକୁ କିଡନୀ ଦେବ ଭଉଣୀ । ୧୮ବର୍ଷିୟ ଦେବାଶିଷଙ୍କ ୨ଟି ଯାକ କିଡନୀ ଖରାପ ହୋଇଯାଇଥିବା ବେଳେ ଏବେ ତାଙ୍କ ବଡ ଭଉଣୀ ତୃପ୍ତି ଭାଇଙ୍କୁ କିଡନୀ ଦେବା ପାଇଁ ସ୍ଥିର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମାଲକାନଗିରି ଜିଲ୍ଲାର ଏମଭି ୭୧ଗାଁର ଦୀପକ ଦାଶଙ୍କ ପୁଅ ଦେବାଶିଷ ଗତ ବର୍ଷେ ହେଲା କିଡନୀ ରୋଗରେ ପୀଡିତ ହେବା କାରଣରୁ ତାଙ୍କର ୨ଟି ଯାକ କିଡନୀ ନଷ୍ଟ ହୋଇଯାଇଛି । ବିଶାଖାପାଟଣାରୁ ଅନେକ ବଡ ବଡ ଡାକ୍ତରଖାନା ବୁଲି ସର୍ବସ୍ୱାନ୍ତ ହୋଇଛନ୍ତି ପରିବାର । ଟ୍ରାନ୍ସପ୍ଲାଂଟ ପାଇଁ କିଡନୀ କିଣିବା ସମ୍ଭବ ନହେବା ଯୋଗୁଁ ଏବେ ଦେବାଶିଷଙ୍କ ବଡଭଉଣୀ ତୃପ୍ତି ତାଙ୍କୁ କିଡନୀ ଦେବା ପାଇଁ ସ୍ଥିର କରିଛନ୍ତି । ତେବେ ଏଥିପାଇଁ ପ୍ରାୟ ୮ଲକ୍ଷ ଟଙ୍କା ଖର୍ଚ୍ଚ ହେବ । ଟଙ୍କା ଯୋଗାଡ ନହେବା ଯୋଗୁୁଁ ଏପର୍ଯ୍ୟନ୍ତ କିଡନୀ ପ୍ରତ୍ୟାରୋପଣ ହୋଇପାରିନାହିଁ ।
ରାଜ୍ୟ ସରକାରଙ୍କ ଓଏସଟିଏଫ ପାଣ୍ଠିରୁ ୩ଲକ୍ଷ ଟଙ୍କା ମିଳିଥିବାବେଳେ ତାହା ଦେବାଶିଷଙ୍କ ଡାଏଲେସିସରେ ଖର୍ଚ୍ଚ ହୋଇଛି । ଗତ ୮ମାସ ହେଲା ବିଶାଖାପାଟଣାର ଆପୋଲା ହସ୍ପିଟାଲରେ ଚିକିତ୍ସାଧିନ ଅଛନ୍ତି ଦେବାଶିଷ । ଏବେ ଅର୍ଥ ଅଭାବରୁ ଆପୋଲୋ ହସ୍ପିଟାଲ ନିକଟରେ ଏକ ଭଡାଘରେ ରହୁଛନ୍ତି ଦେବାଶିଷ ଓ ତାଙ୍କ ପରିବାର । ଏପଟେ ଅର୍ଥ ଯୋଗାଡରେ ଲାଗିପଡିଛନ୍ତି ଭଉଣୀ ତୃପ୍ତି । ସିଲେଇ କାମ କରି କିିଛି ଟଙ୍କା ଜମା କରି ଭାଇର ଚିକିତ୍ସା କରିବା ପାଇଁ ଲାଗିପଡିଛନ୍ତି ତୃପ୍ତି ।