କନକ ବ୍ୟୁରୋ: ଆବାସିକ ବିଦ୍ୟାଳୟରେ ପିଲାଙ୍କ ରାତ୍ରି ଭୋଜନରେ ଦିଆଯାଉଛି ଭାତ ସହ ଲୁଣ । ମାଲକାନଗିରି ଜିଲ୍ଲା ସଦର ମହକୁମା ଠାରୁ ମାତ୍ର ୧୦ କିଲୋମିଟର ଦୁରରେ ଥିବା ସିନ୍ଧ୍ରୀମାଳ ଆବାସିକ ବିଦ୍ୟାଳୟରେ ଦେଖିବାକୁ ମିଳିଛି ଏପରି ଘଟଣା ।
Kanak News is now on WhatsApp
Join and get latest news updates delivered to you via WhatsApp
ଗତ କାଲି ରାତି ରେ ଆବାଶିକ ବିଦ୍ୟାଳୟରେ ପ୍ରାୟ ୨୮୦ ଛାତ୍ର ଛାତ୍ରୀ ଉପସ୍ଥିତ ଥିବା ବେଳେ କିଛି ପିଲାଙ୍କୁ ଡାଲି ଦିଆଯିବା ବଦଳରେ ଲୁଣ ଦିଆଯାଇଥିଲା । ସରପଂଚ ଏବଂ ଅଭିଭାବକ ମାନେ ଘଟଣାଟି ଜାଣିବା ପରେ ଜିଲ୍ଲା ପ୍ରଶାସନକୁ ଜଣାଇଥିଲେ । ଖବର ପାଇ ଡି.ଡବ୍ଲୁ.ଓ, ଡବ୍ଲୁ.ଇ.ଓ ପ୍ରମୁଖ ଘଟଣା ସ୍ଥଳକୁ ଯାଇ ଥିଲେ ।
ଅଧିକାରୀଙ୍କ ଉପସ୍ଥିତିରେ ତରକାରୀ ରାନ୍ଧୀ ପିଲାଙ୍କୁ ଦିଆଯାଇ ଥିବା ଜଣାପଡିଛି । ଗୋଟିଏ ପଟେ ଅପପୃଷ୍ଟି ନିରାକାରଣ ପାଇଁ ଖାଦ୍ୟ ନିରାପତ୍ତା କମିଶନରଙ୍କ ମାଲକାନଗିରି ଜିଲ୍ଲା ଗସ୍ତ, ଅନ୍ୟପଟେ ଆବାସିକ ବିଦ୍ୟାଳୟରେ ଦିଆଯାଉଛି ଲୁଣ ଆଉ ଭାତ ।