ମାଲକାନଗିରି : ସଫେଇ ଅଭିଯାନରେ ଝାଡୁ ଧରି ରାସ୍ତାକୁ ଓହ୍ଲାଇଲେ ପୌର ନିର୍ବାହୀ ଅଧିକାରୀ
କନକ ବ୍ୟୁରୋ : ଦବଙ୍ଗ ଡି.ଏସ.ଏପିଙ୍କ ସଫେଇ ଅଭିଯାନ ପରେ ଏବେ ପୌରାଂଚଳରେ ଝାଡୁ ଧରି ରାସ୍ତାକୁ 
ଓହ୍ଲାଇଲେ ଖୋଦ ପୌର ନିର୍ବାହୀ ଅଧିକାରୀ । ଆଜି ସକାଳୁ ଏଭଳି ଚିତ୍ର ଦେଖିବାକୁ ମିଳିଛି ମାଲକାନଗିରି ଜିଲ୍ଲା ସଦର ମହୁକୁମାରେ । ପୌର ପରିଷଦ ଅନ୍ତର୍ଗତ ମହେଶ୍ୱରୀ କଲୋନୀରେ କୁଢ କୁଢ ଆବର୍ଜନା ସାଙ୍ଗକୁ ନାଳ ନର୍ଦମା ସଫା ହୋଉ ନଥିବା ଯୋଗୁ ମହେଶ୍ୱରୀ ଯୁବ ସଙ୍ଗଠନର ଯୁବକମାନେ ସଫେଇ ଅଭିଯାନ ଆରମ୍ଭ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ମାଲକାନଗିରି ପୌର ପରିଷଦର ନିର୍ବାହୀ ଅଧିକାରୀ ଆଜି ସକାଳୁ ସଫେଇ ଅଭିଯାନକୁ ତଦାରଖ କରୁଥିବା ସମୟରେ ଏଭଳି ଦୃଶ୍ୟ ଦେଖି ଖୋଦ୍ ହାତରେ ଝାଡୁ ଓ ମୁହଁରେ ମାସ୍କ ପିନ୍ଧି ମହେଶ୍ୱରୀ ସମାଜର ଯୁବକଙ୍କ ସହ ସଫେଇ ଅଭିଯାନରେ ଲାଗିପଡି ଥିଲେ । ମହେଶ୍ୱରୀ ଯୁବ ସଙ୍ଗଠନର କ୍ଲିନ କଲୋନୀ ଅଭିଯାନକୁ ସମର୍ଥନ ଜଣାଇ ଦୀର୍ଘ ୧ ଘଣ୍ଟା ଧରି ସଫେଇ କାମରେ ଲାଗି ପଡିଥିଲେ ପୌର ପରିଷଦର ମୁଖିଆ ତପନ ନାୟକ ।