କନକ ବ୍ୟୁରୋ : ନିଖୋଜ ନାବାଳିକାକୁ ତଂଟି ଚିପି ହତ୍ୟା । ଯାହାକୁ ନେଇ ମାଲକାନାଗିରି ଜିଲ୍ଲା ଭେଜାଙ୍ଗିୱାଡା ଗାଁରେ ଚାଂଚଲ୍ୟ ଖେଳିଯାଇଛି । ଗତ ସୋମବାରରୁ ନିଖୋଜ ନାବାଳିକାର ମୃତଦେହ ଗାଁ ପାଖ ଏକ ବିଲରୁ ଉଦ୍ଧାର କରାଯାଇଛି । ତେବେ ଅପହରଣ ପରେ ଦୁଷ୍କର୍ମ କରି ନାବାଳିକାକୁ ତଂଟି ଚିପି ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି । ଓଢଣୀରେ ବେକକୁ ଚିପି ହତ୍ୟା କରାଯାଇଥିବା ଅନୁମାନ କରାଯାଉଛି । ପୁଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ମୁକୁନ୍ଦ ଦଳପତିଙ୍କ ଝିଅ ଗତ ଦୁଇ ଦିନ ତଳୁ ହଠାତ ନିଖୋଜ ହୋଇ ଯାଇଥିଲେ । ତାଙ୍କୁ କେହି ଅପହରଣ କରିନେଇଥିବା ପରିବାର ଲୋକେ ସନ୍ଦେହ କରିଥିଲେ । ତେବେ ଆଜି ସକାଳୁ ଜଙ୍ଗଲ ପାଖ ଜମିରେ ଝିଅର ମୃତଦେହ ପଡ଼ିଥିବା କେତେକ ଗାଁ ଲୋକ ଦେଖି ଝିଆର ବାପାଙ୍କୁ ଖବର ଦେଇଥିଲେ । ପାରିପାର୍ଶ୍ୱିକ ଅବସ୍ଥାରୁ ତାଙ୍କୁ ଦୁଷ୍କର୍ମ ପରେ ତଣ୍ଟି ଚିପି ହତ୍ୟା କରାଯାଇଥିବା ଗ୍ରାମବାସୀମାନେ ସନ୍ଦେହ କରୁଛନ୍ତି । ଏ ନେଇ ପୁଲିସକୁ ସୂଚନା ଦିଆଯାଇଛି । ସମ୍ଭବତ ଏହି କିଶୋରୀଙ୍କୁ ସେହ ଗାଁର କିମ୍ବା ପାଖ ଗାଁର କୌଣସି ଯୁବକ ଅପହରଣ କରି ନେଇ ଏପରି କାଣ୍ଡ କରିଥିବା ସନ୍ଦେହ କରାଯାଉଛି ।