ନିୟମ ମାନୁନାହାନ୍ତି କର୍ମଚାରୀ ! ମାଲକାନଗିରି ମୁଦୁଲିପଡା ସ୍ଥିତ ଏକମାତ୍ର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ତାଲା
କନକ ବ୍ୟୁରୋ: କଥାରେ ଅଛି, ଥାନା, ଡାକ୍ତରଖାନା ଓ ପାଇଖାନା ରେ କେବେ ବି ତାଲା ପଡେ ନାହିଁ । ତେବେ ମାଲକାନଗିରି ଜିଲ୍ଲା ବଣ୍ଡା ଘାଟିରେ କିନ୍ତୁ ଏହାର ବ୍ୟତିକ୍ରମ ଦେଖିବାକୁ ମିଳିଛି । ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଝୁଲୁଛି ତାଲା । ମୁଦୁଲିପଡାସ୍ଥିତ ଏକମାତ୍ର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଏମିତି ଚିତ୍ର ନିତିଦିନିଆ ଚିତ୍ର ଦେଖିବାକୁ ମିଳୁଛି ।
Kanak News is now on WhatsApp
Join and get latest news updates delivered to you via WhatsApp
ଆଦିମ ବଣ୍ଡା ଜନଜାତିଙ୍କୁ ଉଚିତ ସ୍ୱାସ୍ଥ ସେବା ଯୋଗାଇ ଦେବା ଲାଗି ରାଜ୍ୟ ସରକାର ଏକ ସ୍ୱେଚ୍ଛାସେବୀ ସଙ୍ଗଠନ ହାତରେ ସ୍ୱାସ୍ଥ୍ୟକେନ୍ଦ୍ରଟିକୁ ଟେକି ଦେଇଛନ୍ତି । ତେବେ ଔଷଧ ନାଁ ରେ ରୋଗୀଙ୍କୁ ମିଳୁଛି ଏକ୍ସପାଇରି ମେଡିସିନ । କନକ ନ୍ୟୁଜ କ୍ୟାମେରାରେ କଏଦ ହୋଇଛି ଉପାନ୍ତ ଅଂଚଳରେ ସ୍ୱାସ୍ଥ୍ୟ ବ୍ୟବସ୍ଥାର ଅସଲ ଚିତ୍ର ।
ଡାକ୍ତରଖାନାରେ ମେଡିକାଲ ଅଫିସରଙ୍କୁ ନେଇ ମୋଟ ୬ ଜଣ କର୍ମଚାରୀ ରହି ଥିଲେ ହେଁ, ପ୍ରତିଦିନ ମାତ୍ର ୪ ରୁ ୬ ଘଂଟା ଡାକ୍ତରଖାନା ଖୋଲା ରହୁ ଥିବା ଜଣା ପଡିଛି । ଦେଖନ୍ତୁ ଡାକ୍ତରଖାନା ଭିତରେ ଥିବା ଏହି ଫଳକକୁ ସକାଳ ୮ ରୁ ୧୨ ଟା ଯାଏଁ ଓ ୩ ରୁ ୫ ଟା ଯାଏଁ ଡାକ୍ତରଖାନା ଖୋଲା ରହିବା ନେଇ ବିଜ୍ଞପ୍ତି ଜାରି କରିଛନ୍ତି । ଏପରି ସ୍ଥିତିରେ ଦୁର ଦୁରାନ୍ତ ରୁ ଆସୁ ଥିବା ବଣ୍ଡା ରୋଗୀ ମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ବାରମ୍ବାର ବଣ୍ଡା ଜନଜାତିର ଲୋକେ ଡାକ୍ତରଖାନା କର୍ତ୍ତୃପକ୍ଷଙ୍କୁ ଅଭିଯୋଗ କରି ଫଳ କିନ୍ତୁ ଶୁନ । ମାଲକାନଗିରି ଜିଲ୍ଲା ବଣ୍ଡା ଘାଟି ରେ ଥିବା ଦୁଇଟି ଗ୍ରାମ ପଂଚାୟତର ୩୨ ଗାଁର ୮ ହଜାର ଲୋକଙ୍କ ଲାଗି ରହିଛି ଏହି ଏକ ମାତ୍ର ଡାକ୍ତରଖାନା ।