ବିଚ୍ଛିନ୍ନାଂଚଳ ରୁ ବାଂଲାଦେଶ । ଚାକିରୀ ନାଁରେ ଆଦିବାସୀ ଯୁବତୀଙ୍କୁ କରାଯାଉଛି ବିଦେଶ ଚାଲାଣ
କନକ ବ୍ୟୁରୋ : ବିଚ୍ଛିନ୍ନାଂଚଳ ରୁ ବାଂଲାଦେଶ । ଚାକିରି ଆଳରେ ଆଦିବାସୀ ଯୁବତୀଙ୍କୁ ବାଂଲାଦେଶ ଚାଲାଣ କରାଯାଇଥିବା ଅଭିଯୋଗ ହୋଇଛି । ମାଲକାନଗିରି ଜିଲ୍ଲା ବିଚ୍ଛିନ୍ନାଂଚଳ ମାଳିଗୁଡା ଗାଁର ଡମ୍ବରୁ ମାଟାମଙ୍କ ଝିଅ ଲକ୍ଷ୍ମୀ ମାଟାମ ବାଙ୍ଗାଲୁରୁରୁ ନିଖୋଜ ହୋଇଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ୨୦୧୬ ଅକ୍ଟୋବରରେ ଜିଲ୍ଲା ପ୍ରଶାସନ ପକ୍ଷରୁ ଆୟୋଜିତ ନିଯୁକ୍ତି ମେଳାରେ ଯୋଗ ଦେଇ ବାଙ୍ଗାଲୁରୁ ଏକ କମ୍ପାନୀରେ ଚାକିରି ପାଇଥିଲେ ଲକ୍ଷ୍ମୀ । ତେବେ ବାଙ୍ଗାଲୁରୁରେ ମାସେ ଯାଏଁ ସବୁ ଠିକ ଠାକ ଚାଲିଥିଲା । ମାସକ ପରେ ଘର ସହ ଆଉ ଯୋଗାଯୋଗ କରିନଥିଲେ ଲକ୍ଷ୍ମୀ । କିଛି ମାସ ପରେ ସେ ବାଂଲାଦେଶରେ ଅତି ଦୁଖ କଷ୍ଟରେ ଦିନ ବିତାଉଥିବା ନେଇ ବାପା ମାଁ ଙ୍କୁ ଫୋନ ଯୋଗେ ଜଣାଇ ଥିଲେ । ତାଙ୍କୁ ଉଦ୍ଧାର କରିବା ଲାଗି ଚିତ୍ରକୋଣ୍ଡା ଥାନା ଓ ମାଲକାନଗିରି ଜିଲ୍ଲାପାଳଙ୍କୁ ମଧ୍ୟ ଜଣାଇ ଥିଲେ ପରିବାର ଲୋକେ । ତେବେ ଘଟଣା କୁ ୨ ବର୍ଷ ବିତି ଯାଇ ଥିଲେ ହେଁ ଝିଅର ଖୋଜ ଖବର ପାଉ ନାହାନ୍ତି ବାପା ମାଁ । ଲକ୍ଷ୍ମୀକୁ ଖୋଜି ଆଣିବା ପାଇଁ ସହାୟତା ଦେବାରେ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଛନ୍ତି ପୁର୍ବତନ ସାଂସଦ ପ୍ରଦୀପ ମାଝୀ ।
ଆଗାମୀ ୧୫ ଦିନ ମଧ୍ୟରେ ତାଙ୍କୁ ଉଦ୍ଧାର କରା ନ ଗଲେ ସଚିବାଳୟ ଘେରାଉ କରିବେ ବୋଲି କହିଛନ୍ତି ପ୍ରଦୀପ ମାଝୀ । ଏନେଇ ଆୟୋଜିତ ସାମ୍ବାଦିକ ସମ୍ମିଳନୀରେ ପ୍ରଦୀପ ମାଝୀଙ୍କ ସହ ସାମିଲ ହୋଇଛନ୍ତି ପଡୋଶୀ ସୁକୁମା ବିଧାୟକ ଲଖମା କାୱାସୀ ।