ଅରବାଜ ଖାନଙ୍କ ଠାରୁ ଅଲଗା ହେବା ପରେ ମଲାଇକା ଅରୋରା ଖାନଙ୍କ ନାଁ ବଲିଉଡ ଅଭିନେତା ଅର୍ଜୁନ କପୁରଙ୍କ ସହ ଯୋଡା ଯାଉଛି । କେବଳ ଏତିକ ନୁହେଁ ଉଭୟେ ଏକାଠି ନଜର ମଧ୍ୟ ଆସୁଛନ୍ତି । ଏବେ ଏ ଦୁଇ ଜଣଙ୍କ ସମ୍ପର୍କ ସତ କି ଗୁଜବ ଜଣାପଡିିନି କିନ୍ତୁ ଉଭୟଙ୍କ ଏ ସଂପର୍କ ଯୋଗୁଁ ଅର୍ଜୁନ କପୁରଙ୍କ କ୍ୟାରିୟର ଉପରେ ସଙ୍କଟ ଦେଖା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଡେକାନ କ୍ରୋନିକିଲର ଏକ ରିପୋର୍ଟ ଅନୁସାରେ ଅରବାଜଙ୍କ ଠାର ଅଲଗା ହେବା ନେଇ ସଲମାନ ପ୍ରଥମରୁ ହିଁ ଭାଉଜ ମଲାଇକାଙ୍କ ଉପରେ ଖପ୍ପା ଥିଲେ । କିନ୍ତୁ ଏବେ ଯେତେବେଳେ ସଲମାନ ଜାଣିବାକୁ ପାଇଛନ୍ତି ମଲାଇକା ଅର୍ଜୁନଙ୍କ ନିକଟତର ହେଉଛନ୍ତି ସଲମାନ ସଂପୂର୍ଣ୍ଣ ରାଗି ଯାଇଛନ୍ତି । ସୂଚନାରୁ ଜଣାପଡିଛି ସଲମାନ ଏ ସଂପର୍କକୁ ନେଇ ଅର୍ଜୁନଙ୍କୁ ପଚାରିଥିଲେ କିନ୍ତୁ ଏକଥା ମିଛ ବୋଲି କହିଥିଲେ ଅର୍ଜୁନ । ଏବେ ଯେତେବେଳେ ଉଭୟଙ୍କୁ ନେଇ ଗୁଜବ ଅଧିକ ବଢି ଯାଇଛି ସଲମାନ ଅର୍ଜୁନଙ୍କ ଉପରେ ଭିତରେ ଭିତରେ ରାଗିଛନ୍ତି ବୋଲି ସୂଚନା ଜଣାପଡୁଛି ।
ସୂଚନାରୁ ଜଣାପଡିଛି ଏହାର ସିଧା ପ୍ରଭାବ ଅର୍ଜୁନଙ୍କ କ୍ୟାରିୟର ଉପରେ ପଡିପାରେ । କାରଣ କୈାଣସି ସିନେ ନିର୍ମାତା ଓ ନିର୍ଦ୍ଦେଶକ ଅର୍ଜୁନଙ୍କୁ ନିଜ ସିନେମାରେ ନେଇ ସଲମାନଙ୍କୁ ନାରାଜ କରିବା ପାଇଁ ଚାହିଁବେ ନାହିଁ ।