ମାଲକାନଗିରିରେ ଲଜ୍ଜା: ଘରୁ ଉଠାଇନେଇ ନାବାଳିକାକୁ ଗଣଦୁଷ୍କର୍ମ ଅଭିଯୋଗ, ଗୁରୁତର ଅବସ୍ଥାରେ ଡାକ୍ତରଖାନାରେ ପୀଡିତା
କନକ ବ୍ୟୁରୋ : ମାଲକାନଗିରିରେ ପୁଣି ଲଜ୍ଜା । ଜଣେ ନାବାଳିକାଙ୍କୁ ଘରୁ ଟେକି ନେଇ ଗଣଦୁଷ୍କର୍ମ ଅଭିଯୋଗ ହୋଇଛି କାଲିମେଳା ଥାନାରେ । ଗତକାଲି ବିଳମ୍ବିତ ରାତିରେ ଘରେ କେହିନଥିବା ସୁଯୋଗ ପାଇ ୨ଜଣ ଦୁର୍ବୃତ ନାବାଳିକାଙ୍କୁ ଘରୁ ଟେକି ଗଣଦୁଷ୍କର୍ମ କରିଛନ୍ତି । କାଲିମେଳା ପୁଲିସ ପିଡିତାଙ୍କୁ ଉଦ୍ଧାର କରି ସଙ୍କଟାପନ୍ନ ଅବସ୍ଥାରେ ମାଲକାନଗିରି ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତି କରିଛି । ପିଡିତାଙ୍କ ତଥ୍ୟ ଆଧାରରେ କୋଡେଲମେଟ୍ଲା ଗାଁର ୨ ଯୁବକଙ୍କୁ ଗିରଫ କରିଛି କାଲିମେଳା ପୁଲିସ । ଏମାନେ ହେଲେ ବୁଦ୍ରା ମାଡକାମି ଓ ସମା ମାଡକାମି । ଏମାନଙ୍କ ନାଁରେ ଅପହରଣ, ଗଣଦୁଷ୍କର୍ମ ସହ ପକ୍ସୋ ଆକ୍ଟରେ ମାମଲା ରୁଜୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ମାଲକାନଗିରିର କାଳିମେଳାଥାନା ଏରବାନପଲ୍ଲୀ ଗ୍ରାମରେ ନାବାଳିକାଙ୍କୁ ନିକଟସ୍ଥ ଜଙ୍ଗଲ ମଧ୍ୟକୁ ଦୁଇ ଜଣ ଯୁବକ ଟେକିନେବା ସହ ଦୁଷ୍କର୍ମ କରିଥିବା ନେଇ ପରିବାର ଲୋକ କହିଛନ୍ତି । ତେବେ ଦୁବୃର୍ତ୍ତଙ୍କଠାରୁ କୈାଣସି ପ୍ରକାର ଅନ୍ୟ ଏକ ଗ୍ରାମକୁ ନାବାଳିକା ଜଣକ ଖସି ଆସିଥିଲେ ନାବାଳିକା । ପରେ ତାଙ୍କ ଅବସ୍ଥା ସଂକଟପନ୍ନ ହେବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି । ପରେ ଏନେଇ ଥାନାରେ ମାମଲା ମଧ୍ୟ ରୁଜୁ କରାଯାଇଛି । ଏହି ଘଟଣାରେ ପୋଲିସ ଦୁଇ ଜଣଙ୍କୁ ଗିରଫ କରିଥିବା ସୂଚନା ମିଳିଛି । ତେବେ ବାରମ୍ବାର ଉପାନ୍ତ ଅଞ୍ଚଳରେ ଦୁଷ୍କର୍ମ ମାମଲା ବଢୁଥିବାରୁ ସାରା ଜିଲ୍ଲାରେ ସେହି ଘଟଣାକୁ ନେଇ ଏବେ ଆଲୋଡନ ସୃଷ୍ଟି ହେଉଛି । ବର୍ତ୍ତମାନ ସମୟରେ ଆଦିବାସୀ ଅଞ୍ଚଳର ନାବାଳିକାମାନେ ବିଭିନ୍ନ ସମୟରେ ଏପରି ଘଟଣାର ଶିକାର ହେଉଛନ୍ତି । ତେବେ ପୋଲିସ କହିଛି କି ଯେଉଁମାନେ ଏପରି କାଣ୍ଡ ରଚିଛନ୍ତି ସେମାନଙ୍କୁ କଠୋର ଦଣ୍ଡ ବିଧାନ କରାଯିବ ।