ସୋହେଲ୍ ଖାନଙ୍କୁ ଦେଖି ଲୁଚିଲେ ଅର୍ଜୁନ ! ଅଧାରୁ ଛାଡିଲେ ପାର୍ଟି
ଖାନ ପରିବାରର ବୋହୁ ମଲାଇକା ଅରୋରା ଖାନଙ୍କ ସହ ଅଭିନେତା ଅର୍ଜୁନ କପୁରଙ୍କ ସଂପର୍କ କଥା କାହାକୁ ଅଛପା ନାହିଁ । କିନ୍ତୁ ଏକଥା ମଧ୍ୟ ସତ ତିନି ଖାନ ଭାଇଙ୍କୁ ସାମ୍ନାରେ ଦେଖିଲେ ହିଁ ଅର୍ଜୁନ କପୁର ସେହି ସ୍ଥାନରୁ ଚୁପଚାପ ଖସି ପଳାଉଛନ୍ତି । ନିକଟରେ ପୁଣି ଥରେ ଏମିତି କିଛି ନଜାରା ଦେଖିବାକୁ ମିଳିଛି । ଏକ ଇଭେଣ୍ଟରେ ମଲାଇକା ଅରୋରା, ଅର୍ଜୁନ କପୁର ଓ ସୋହେଲ ଖାନ ତିନି ଜଣ ଯାକ ଯୋଗ ଯେଇଥିଲେ । ସୋହେଲଙ୍କୁ ଦେଖିବା ପରେ ହିଁ ମଲାଇକା ଓ ଅର୍ଜୁନ ଉଭୟ ଉଭୟଙ୍କୁ ଏଭଏଡ କରିବାର ଦେଖାଗଲା ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତ କଥା ହେଲା ତିନିଜଣ ଯାକ ଡିଜାଇନର ବିକ୍ରମ ଫଡନାଭିସଙ୍କ ଏକ ମରାଠୀ ସିନେମାର ମହୁରତରେ ଯୋଗ ଦେବା ପାଇଁ ପହଞ୍ଚିଥିଲେ । ସେମାନଙ୍କ ବ୍ୟତିତ ଏଇ ଇଭେଂଟରେ ଶାହାରୁଖ ଖାନ ,ଅମୃତା ଅରୋରା , ସଞ୍ଜୟ କପୁର ଓ ଶ୍ୱେତା ବଚ୍ଚନ ଆଦି ଉପସ୍ଥିତ ଥିଲେ । ଏଇ ଇଭେଂଟରେ ଯୋଗ ଦେଇ ଅର୍ଜୁନ , ମଲାଇକା, ଅମୃତା ସମସ୍ତେ ଏକାଠି କଥାବାର୍ତ୍ତା ହେଉଥିଲେ । ସଂପୃକ୍ତ ଉଭେଂଟରେ ଯେମିତି ହିଁ ସୋହେଲ ଖାନଙ୍କ ଏଣ୍ଟ୍ରି ହେଲା ପୁରା ମାହୋଲ ବଦଳି ଯାଇଥିଲା ।
ସୋହେଲଙ୍କୁ ଦେଖି ଅର୍ଜୁନ ତୁରନ୍ତ ବାହାରକୁ ପଳାଇ ଯାଇଥିଲେ ଏବଂ ସୋହେଲ ଏକ କୋଣରେ ଯାଇ ଚୁପଚାପ ବସି ଯାଇଥିଲେ । କିଛି ସମୟ ପରେ ବିକ୍ରମ ସୋହେଲଙ୍କୁ ସାକ୍ଷାତ କରି ତାଙ୍କ ସହ କଥାବାର୍ତ୍ତା ହୋଇଥିଲେ । ତାପରେ ସୋହେଲ ସେଠାରୁ ଚାଲି ଯାଇଥିଲେ । ସୋହେଲ ଯିବାର ତୁରନ୍ତ ପରେ ହିିଁ ଅର୍ଜୁନ ଭିତରକୁ ଆସି ମଲାଇକାଙ୍କ ପାଖରେ ବସିଥିଲେ । ଉଭୟେ ଉଭୟଙ୍କ ଆଖିରେ ଆଖି ମିଳାଇ କଥା ହେଉଥିବାର ଦେଖାଗଲା । ଆଗକୁ ଦେଖିବାକୁ ବାକି ରହିଲା ଆଉ କେତେ ଦିନ ଏ ଦୁଇ ଜଣଙ୍କ ଗୁପଚୁପ ପ୍ରେମ ଚାଲୁଛି ।