୨୦୨୦ ପର୍ଯ୍ୟନ୍ତ ଦେଶରୁ ଦୂରେଇ ଯିବ ବେକାରୀ ସମସ୍ୟା ! ମୋଦି ସରକାର ଯୋଗାଇବେ ୧୦ କୋଟି ଚାକିରି
ଭାରତରେ ବେକାରି ସମସ୍ୟା ଉତ୍କଟ ହେବାରେ ଲାଗିଛି । ଉଚ୍ଚଶିକ୍ଷିତ ହୋଇ ମଧ୍ୟ ଦେଶରେ ଲୋକଙ୍କୁ ମନଲାଖି ଚାକିରି ଖଣ୍ଡେ ମିଳୁନି । ଏଥିପାଇଁ ବିଦେଶକୁ ଯିବାକୁ ବାଧ୍ୟ ହେଉଛନ୍ତି ଲୋକେ । ଆମ ଦେଶର ଉଚ୍ଚଶିକ୍ଷିତ ତଥା ବୁଦ୍ଧିମାନ ବ୍ୟକ୍ତିମାନେ ବିଦେଶରେ କାମ କରୁଛନ୍ତି । ଅଧିକାଂଶ ନୂତନ ଉଦ୍ଭାବନ ପଛରେ ଭାରତୀୟଙ୍କ ହାତ ରହୁଛି । ତଥାପି ଆମ ଦେଶକୁ ମିଳୁନି ସମ୍ମାନ । ବାହାର ଦେଶ ଗୁଡ଼ିକ ନେଇ ଯାଉଛନ୍ତି ସମସ୍ତ ଶ୍ରେୟ । ତେବେ ଦେଶର ଏପରି ଅବସ୍ଥାକୁ ଦୃଷ୍ଟିରେ ରଖି କେନ୍ଦ୍ର ସରକାରଙ୍କ ତରଫରୁ ଅନେକ ପଦକ୍ଷେପ ନିଆଯାଉଛି । ହେଲେ ସେପରି କିଛି ଆଖିଦୃଶିଆ ସଫଳତା ମିଳୁନି । ତେବେ ଆଗକୁ ଏପରି ଅସୁବିଧା ନହେବା ପାଇଁ କେନ୍ଦ୍ର ସରକାର ପ୍ରସ୍ତୁତି ଆରମ୍ଭ କଲେଣି ।
Kanak News is now on WhatsApp
Join and get latest news updates delivered to you via WhatsApp
୨୦୨୦ ପର୍ଯ୍ୟନ୍ତ ମେକ୍ ଇନ୍ ଇଣ୍ଡିିଆ ଦ୍ୱାରା ଭାରତରେ ୧୦ କୋଟିରୁ ଅଧିକ ନିଯୁକ୍ତ ସୁଯୋଗ ସୃଷ୍ଟି ହେବ ବୋଲି ସୂଚନା ମିଳିଛି । ନୀତି ଆୟୋଗର ମହାନିର୍ଦ୍ଦେଶକ ଏହା ଦାବି କରିଛନ୍ତି । ମୋଦି ସରକାରଙ୍କ ଦ୍ୱାରା ହୋଇଥିବା ଯୋଜନା, ମେକ୍ ଇନ୍ ଇଣ୍ଡିିଆ ଦ୍ୱାରା ନିଯୁକ୍ତି ସୁଯୋଗ ସୃଷ୍ଟି ହେବ ବୋଲି ମଧ୍ୟ ଲୋକେ ଆଶାବାନ୍ଧି ବସିଛନ୍ତି । ପ୍ରଧାନମନ୍ତ୍ରୀ ମୋଦି ନିଜେ ଏହି ଯାଜନା ବିଷୟରେ କହିଛନ୍ତି । ଯଦି ନୀତି ଆୟାଗ ମହାନିର୍ଦ୍ଦେଶକଙ୍କ ଦାବି ସତ ହୁଏ, ତେବେ ଦେଶର ଯୁବଗୋଷ୍ଠୀଙ୍କ ଭବିଷ୍ୟତ ଉଜ୍ଜଳ ନଜର ଆସୁଛି ।
ଆମେ ବର୍ତ୍ତମାନ ଟେକ୍ନାଲାଜି ଯୁଗରେ ଅଛନ୍ତି, ଯେଉଁଠି ଅଧାରୁ ଅଧିକ କାମ ଯନ୍ତ୍ରଦ୍ୱାରା ଅତି ସହଜରେ ହୋଇପାରୁଛି । ଟେକ୍ନୋଲୋଜିର ଅଧିକ ବ୍ୟବହାର ହେଉଛି । ମେକ୍ ଇନ୍ ଇଣ୍ଡିଆ ଜରିଆରେ କେନ୍ଦ୍ର ସରକାର ଭାରତକୁ ମ୍ୟାନୁଫ୍ୟାକ୍ଚରିଂଙ୍ଗ ହବ୍ ରୂପରେ ପରିଣତ କରିବା ପାଇଁ ଚାହୁଁଛନ୍ତି । ଏହି ପ୍ରୟାସ ଗୁଡ଼ିକର ପ୍ରମାଣ ହେଲା ବିଗତ କିଛି ବର୍ଷ ମଧ୍ୟରେ ୧୦୭ ନୂଆ ମ୍ୟାନୁଫ୍ୟାକଚିଙ୍ଗ୍ , ଇଞ୍ଜିନିୟରିଂ ଓ ଏହାସହ ଜଡ଼ିତ ସେକ୍ଟର ଅଧିକ ବୃଦ୍ଧି ପାଇଛି । ଆଗାମୀ ଏକ ବର୍ଷ ମଧ୍ୟରେ ପାଖାପାଖି ୭.୨ ଲକ୍ଷ ଅସ୍ଥାୟୀ ଚାକରି ମିଳିବ । ଏହାସହ ଇ-କମର୍ସ ଓ ଇଂଟରନେଟ୍ ସହ ଜଡ଼ିତ ନିଯୁକ୍ତ ବଢ଼ିବ ।