କନକ ବ୍ୟୁରୋ : ଦଶପଲ୍ଲାରେ ବିଜେଡି ବିରୁଦ୍ଧରେ ଲଢିଲା ବିଜେଡି । ବିଧାୟକ ପର୍ଣ୍ଣ ଚନ୍ଦ୍ର ନାୟକଙ୍କ ବିରୁଦ୍ଧରେ ମେଳି ବାନ୍ଧିଲେ ହଜାର ହଜାର କର୍ମୀ ଆଉ ଛାମୁଆ ନେତା । ଦଶପଲ୍ଲା ବଂଚାଅ ମହାସମାବେଶ ନାଁରେ ବିଧାୟକଙ୍କୁ ହଟାଇବାକୁ ଦାବୀ କରିଛନ୍ତି ଅସନ୍ତୁଷ୍ଟ । ପୂର୍ବ ପ୍ରସ୍ତୁତି ମୁତାବକ ପୂର୍ବତନ ବ୍ଳକ ଚେୟାରମ୍ୟାନ ଉପେନ୍ଦ୍ର ସାହୁଙ୍କ ନେତୃତ୍ୱରେ ହଜାର ହଜାର କର୍ମୀ ମହାବୀର ମନ୍ଦିର ନିକଟରୁ ରାଲିରେ ବାହାରି ହାଟ ପଡିଆ ଠାରେ ଏକାଠି ହୋଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
ବିଧାୟକ ପୂର୍ଣ୍ଣ ଚନ୍ଦ୍ର ନାୟକଙ୍କ ମନମୁଖୀ ଶାସନ , ସଂଗଠନକୁ ବିଗାଡିବା , ଦଳର ଛାମୁଆ କର୍ମୀଙ୍କୁ ସାଙ୍ଗରେ ନ ନେବା ଇତ୍ୟାଦି ପ୍ରସଙ୍ଗରେ କଟୁ ସମାଲୋଚନା ସହ ସହ ତୁରନ୍ତ ବିଧାୟକଙ୍କୁ ବହିଷ୍କାର ପାଇଁ ଦାବୀ କରିଛନ୍ତି । ଏ ନେଇ ମୁଖ୍ୟମନ୍ତ୍ରୀ ନବୀନ ପଟନାୟକଙ୍କ ନିକଟରେ ମଧ୍ୟ ଦାବୀ ରଖାଯାଇଛି । ସେପଟେ ବିଧାୟକଙ୍କ ବିରୁଦ୍ଧରେ ମହାସମାବେଶକୁ ନାପସନ୍ଦ କରିଛନ୍ତି ଜିଲ୍ଲା ସଭାପତି । ମାନ୍ୟବର ମୁଖ୍ୟମନ୍ତ୍ରୀଙ୍କ ପ୍ରଭାବରେ ଅନେକ ସଂଗଠନ ମଧ୍ୟ ଆସ୍ଥା ପ୍ରକଟ କରିଛନ୍ତି । ତେଣୁ ବିଜୁ ଜନତାଦଳ ପାଇଁ ଯେ କେହି ସମାବେଶ କରିବାରେ ଆପତ୍ତି ନାହିଁ । କିନ୍ତୁ ଯାହାବି କାର୍ଯ୍ୟକ୍ରମ ହେଉଛି ତାହା ଦଳୀୟ ଫୋରମରେ ହେବାର ଆବଶ୍ୟକତା ରହିଥିବା ଜିଲ୍ଲା ସଭାପତି ରବି ମହାପାତ୍ର କହିଛନ୍ତି । ତେବେ ଦଶପଲ୍ଲାରେ ବିଧାୟକଙ୍କ ବିରୋଧୀ ସମାବେଶ ସଂପର୍କରେ ମାନ୍ୟବର ମୁଖ୍ୟମନ୍ତ୍ରୀଙ୍କ ଅବଗତ କରାଯିବ ବୋଲି ସେ କହିଛନ୍ତି ।