ଧର୍ମଶାଳାରେ ଅଭିନୟ କରି ଫସିଲେ ମହାରାଜ କଂସ : ବରଗଡ ଧନୁଯାତ୍ରା ସମିତି ପଠାଇଲା କାରଣ ଦର୍ଶାଅ ନୋଟିସ
ଯାଜପୁର : ଯାଜପୁର ଜିଲ୍ଳା ଧର୍ମଶାଳା ମହୋତ୍ସବରେ ବରଗଡ଼ର କଂସ ମହାରାଜ । ବରଗଡ଼ ଧନୁଯାତ୍ରାରେ କଂସ ଭୂମିକାରେ ଅଭିନୟ କରୁଥିବା ହୃଷିକେଶ ଭୋଇଙ୍କୁ ଅନ୍ୟ ସ୍ଥାନରେ କଂସ ଅଭିନୟ କରିବା ବାରଣ ରହିଛି । ଧର୍ମଶାଳାରେ ସେ କଂସ ଭୂମିକାରେ ଅଭିନୟ କରିବାରୁ ବରଗଡ଼ ଧନୁଯାତ୍ରା ସମିତି କାରଣ ଦର୍ଶାଅ ନୋଟିସ ଜାରି କରିଛି । ଏହାକୁ ନେଇ ବିବାଦ ଉପୁଜିଛି ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ସଂଧ୍ୟାରେ ବରଗଡର ବିଶ୍ୱପ୍ରସିଦ୍ଧ ମୁକ୍ତାକାଶ ରଙ୍ଗମଂଚ ଧନୁଯାତ୍ରାର କଂସ ମହାରାଜ ନିଜର ପାତ୍ର ମନ୍ତ୍ରୀଙ୍କ ସହ ପହଂଚିଥିଲେ ଧର୍ମଶାଳା ମହୋତ୍ସବରେ । ମହାରାଜ କଂସଙ୍କପାଇଁ ଗତକାଲି ରାତିରେ ଜାରକା ବଜାରର ସବୁ ରାସ୍ତା ଏକ ପ୍ରକାର ଜାମ୍ ହୋଇଯାଇଥିଲା ।
କଂସ ମହାରାଜ ଏକ ସୁସଜ୍ଜିତ ରଥରେ ବସି ଜାରକା ବଜାର ପରିଭ୍ରମଣ କରିବା ସହ ଲକ୍ଷ୍ମୀନାରାୟଣଙ୍କ ଦର୍ଶନ ପରେ ନିଜର ଅଭିନୟରେ ଦର୍ଶକମାନଙ୍କୁ ଚମକାଇବା ସହ ମଂଚରେ କଂସବଧ ମଂଚସ୍ଥ ହୋଇଥିଲା । ଉପସ୍ଥିତ ଦର୍ଶକ ସମ୍ବଲପୁରର ଡାଲଖାଇ ଓ ରସରକେଲି ନୃତ୍ୟକୁ ମନଭରି ଉପଭୋଗ କରିଥିଲେ ।
ତେବେ ବରଗଡ଼ ଧନୁଯାତ୍ରାରେ ବରଣ ହୋଇଥିବା କଂସ ମହାରାଜଙ୍କ ଅନ୍ୟ ଏକ ଉତ୍ସବରେ ଯୋଗଦେବାନେଇ କଟକଣା ରହିଥିବା ବେଳେ କଂସ ଏଠାକୁ କିପରି ଆସିଲେ ତାହା ଏବେ କଂସଙ୍କୁ ବିବାଦ ଘେରକୁ ଟାଣିନେଇଛି ।ନ୍ୟୁଜ୍ ସହିତ ଦେଖନ୍ତୁ ଏହି ଭିଡିଓ :