କନକ ବ୍ୟୁରୋ : ଖୁବ ଶୀଘ୍ର ମହାପ୍ରସାଦର ମୂଲ୍ୟ ନିର୍ଦ୍ଧାରଣ କରାଯିବ । ପୁରୀରେ ଆଜି ଏନେଇ ବୈଠକ ବସିଥିଲା । ସୁଆର ମହାସୁଆର ନିଯୋଗ ସହ ଆଲୋଚନା ପରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଏନେଇ ସୂଚନା ଦେଇଛନ୍ତି । ଆନନ୍ଦ ବଜାରେ ଏନେଇ ହେଲ୍ପ ଡେସ୍କ ଓ ଅଭିଯୋଗ ପ୍ରକୋଷ୍ଠ ରହିବ । ମହାପ୍ରସାଦ ଦର ତାଲିକା ଖୁବ ଶୀଘ୍ର ଆନନ୍ଦ ବଜାରରେ ଲାଗିବ । କୋଠଭୋଗ ସଂପର୍କରେ ମଧ୍ୟ ବୈଠକରେ ଆଲୋଚନା ହୋଇଛି । କୋଠ ଭୋଗ ପାଇଁ ଆବଶ୍ୟକ ଖର୍ଚ୍ଚର ଆକଳନ କରି ଦର ତାଲିକା ନିର୍ଦ୍ଧାରଣ ହେବ । କୋଠ ଭୋଗ ରନ୍ଧା ବେଳେ ଦେଉଳକରଣ ଓ ଶ୍ରୀମନ୍ଦିର ସୁପରଭାଇଜର ଅନୁଧ୍ୟାନ କରିବେ । ଏହା ବ୍ୟତୀତ ଆନନ୍ଦବଜାରରେ ଅନଧିକୃତ ଅଣସେବାୟତଙ୍କ ପ୍ରବେଶକୁ ନିଷେଧ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଶ୍ରୀମନ୍ଦିରରେ ଭକ୍ତଙ୍କୁ କିଭଳି ଉଚିତ୍ ମୂଲ୍ୟରେ ମହାପ୍ରସାଦ (ଅବଢା) ମିଳିବ ସେ ନେଇ ଆଜି ଶ୍ରୀମନ୍ଦିର ପ୍ରଶାସନ ଓ ସୁଆର ନିଯୋଗର ଏକ ମିଳିତ ବୈଠକରେ ନିଷ୍ପତ୍ତି ହୋଇଛି। ମୁଖ୍ୟ ପ୍ରଶାସକ ପ୍ରଦୀପ୍ତ ମହାପାତ୍ରଙ୍କ ଉପସ୍ଥିତିରେ ହୋଇଥିବା ନିଷ୍ପତ୍ତି ମୁତାବକ, ଏଣିକି ସୁଆରମାନେ ମନ ଇଚ୍ଛା ଦର ନେଇ ପାରିବେ ନାହିଁ। ପୂର୍ବରୁ ଭକ୍ତମାନେ ଠକାମିରେ ପଡ଼ୁଥିବା ନେଇ ଅଭିଯୋଗ କରିଥିଲେ । ତେବେ ମହାପ୍ରସାଦ ଦର ଲାଗିବା ପରେ ଶ୍ରଦ୍ଧାଳୁମାନେ ସୁଲଭ ମୂଲ୍ୟରେ ମହାପ୍ରସାଦ ପାଇବା ସହ ଆଉ ଠକାମୀର ଶିକାର ହେବେ ନାହିଁ ବୋଲି ଆଶାକରାଯାଉଛି ।