ଜୋର ଧରିଲା ମହାନଦୀ ରାଜନୀତି : ଛତିଶଗଡ ଯାଇଥିବା କଂଗ୍ରେସ ବିଧାୟକ ଦଳକୁ ବିରୋଧ
କନକ ବ୍ୟୁରୋ : ଜୋର ଧରିଲା ମହାନଦୀ ରାଜନୀତି । ପ୍ରବାସରେ ବିରୋଧର ସମ୍ମୁଖୀନ ହେଲା କଂଗ୍ରେସ ପ୍ରତିନିଧି ଦଳ। ଛତିଶଗଡରେ କଂଗ୍ରେସ ବିଧାୟକ ଦଳକୁ ବିରୋଧ କରିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଅଜିତ ଯୋଗୀଙ୍କ ସମର୍ଥକ । ରାୟଗଡରେ ବିରୋଧ କରୁଥିବାବେଳେ ୨୦ରୁ ଅଧିକ ସମର୍ଥକଙ୍କୁ ଗିରଫ କରିଛି ପୁଲିସ । କଂଗ୍ରେସ ପ୍ରତିନିଧି ଦଳର ଗସ୍ତକୁ ବିରୋଧ କରାଯିବ ବୋଲି ପୂର୍ବରୁ ପ୍ରେସମିଟ କରି ଘୋଷଣା କରିଥିଲେ ଅଜିତ ଯୋଗୀ । ନିକଟରେ କଂଗ୍ରେସ ଛାଡି ଛତିଶଗଡ ଜନତା କଂଗ୍ରେସ ପାର୍ଟି ଗଢିଛନ୍ତି ଅଜିତ ଯୋଗୀ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ମହାନଦୀରେ ବ୍ୟାରେଜ ନିର୍ମାଣ ପ୍ରସଙ୍ଗରେ ସର୍ବଦଳୀୟ ବୈଠକକୁ ଅଗ୍ରାହ୍ୟ କଲା ବିଜେଡି। ସର୍ବଦଳୀୟ ବୈଠକରୁ କୌଣସି ନିର୍ଯାସ ବାହାରିବନି ବୋଲି କହିଛନ୍ତି ବିଜେଡି ମୁଖପାତ୍ର ପ୍ରତାପ ଦେବ। ଏହି ପ୍ରସଙ୍ଗରେ ବିରୋଧୀଙ୍କୁ ମଧ୍ୟ ଜବାବ ଦେଇଛନ୍ତି ପତ୍ରାପ ଦେବ । ବିରୋଧୀଙ୍କ ଉପରେ ହାଇକମାଣ୍ଡ ଅଛନ୍ତି। କେନ୍ଦ୍ର ନେତୃତ୍ୱ ଉପରେ ଚାପ ପକାଇବାରେ ବିରୋଧି ବିଫଳ । ବ୍ୟାରେଜ ନିର୍ମାଣକୁ କଂଗ୍ରେସ ମଧ୍ୟ ବିରୋଧ କରୁ । ବିଜେପି ମଧ୍ୟ ବ୍ୟାରେଜ ନିର୍ମାଣ ବନ୍ଦ ନେଇ ପ୍ରସ୍ତାବ ଆଣୁ ବୋଲି କହିଛନ୍ତି ବିଜେଡି ମୁଖ୍ୟପାତ୍ର।