ଭୁବନେଶ୍ୱର ବ୍ୟୁରୋ , କନକ ନ୍ୟୁଜ୍ : ମହାନଦୀର ମହାମିଛ । ପୁଣି ଥରେ ରାଜ୍ୟ ସରକାରଙ୍କ ମିଛ ପଦାରେ ପଡ଼ିଛି । କେଲୋ ପ୍ରକଳ୍ପ ସଂପର୍କରେ ଛତିଶଗଡ଼ ଚିଠିର ଉତର ଦେଇଛନ୍ତି ଓଡ଼ିଶା ସରକାର । ୨୦୦୮ର ଏହି ଚିିଠି ମୁଖ୍ୟମନ୍ତ୍ରୀଙ୍କ ଦାମ୍ଭିକତା ଓ ମିଛକୁ ପଦାରେ ପକାଇ ଦେଇଛି ।
୨୦୦୮ ଅକ୍ଟୋବର ୪ ତାରିଖରେ ସେତେବେଳର ଜଳସଂପଦ ବିଭାଗର ସର୍ବୋଚ୍ଚ ଯନ୍ତ୍ରୀ ହରିଶ୍ ଚନ୍ଦ୍ର ବେହେରା ଉତର ଦେଇଛନ୍ତି ଛତିଶଗଡ଼ର ଜଳସଂପଦ ବିଭାଗର ସର୍ବୋଚ୍ଚ ଯନ୍ତ୍ରୀଙ୍କୁ ଚିଠି ନମ୍ବର ହେଉଛି-୧୫୭୨୯ । କେଲୋ ପ୍ରକଳ୍ପ ସଂପର୍କରେ ନୋ ଅବଜେକସନ୍ ସାର୍ଟିଫିକେଟ୍ ବା ଏନ୍ଓସି ପାଇଁ ଓଡିଶାକୁ ଛତିଶଗଡ଼ ସରକାର ଲେଖିବା ପରେ ଏହାର ଉତର ଦେଇଥିଲା ଓଡ଼ିଶା । ଯେଉଁଥିରେ ସର୍ବୋଚ୍ଚ ଯନ୍ତ୍ରୀ କହିଛନ୍ତି- ଓଡିଶାକୁ କେତେ ପରିମାଣର ମହାନଦୀ ପ୍ରବାହିତ ହେବ ସେ ସଂପର୍କରେ ଛତିଶଗଡ଼ ସ୍ପଷ୍ଟ କରିବା ଉଚିତ । ପ୍ରଶ୍ନ ଉଠୁଛି, ଓଡ଼ିଶା ସରକାର କେଉଁ ଆଧାରରେ କହିଲେ ଯେ ତାଙ୍କୁ କେଲୋ ପ୍ରକଳ୍ପ ବାବଦରେ ଅନ୍ଧାରରେ ରଖାଯାଇଛି?
Kanak News is now on WhatsApp
Join and get latest news updates delivered to you via WhatsApp
କେଲୋ ପ୍ରକଳ୍ପ ସଂପର୍କରେ ଓଡ଼ିଶାକୁ ଅନ୍ଧାରରେ ରଖାଯାଇଛି ବୋଲି କହିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସଂସଦରେ କେନ୍ଦ୍ର ଜଳସଂପଦ ରାଷ୍ଟ୍ର ମନ୍ତ୍ରୀ ଡ. ସଂଜୀବ ବାଲ୍ୟାନଙ୍କ ବିବୃତି ବିଭ୍ରାନ୍ତିକର ବୋଲି ଆକ୍ଷେପ କରିଥିଲେ ମୁଖ୍ୟମନ୍ତ୍ରୀ । ତା’ ପରେ ରାଜ୍ୟ ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢ଼ୀ ଓ ଜଳସଂପଦ ସଚିବ ପ୍ରଦୀପ କୁମାର ଜେନା ମଧ୍ୟ ସମାନ କଥା କହିଥିଲେ ।
ଉଦବେଗର ବିଷୟ ହେଉଛି ମହାନଦୀ ପାଇଁ ଯୁଦ୍ଧ ଭିତରେ ରାଜନୀତି ସବୁଠାରୁ ବଡ଼ ଅସ୍ତ୍ର ପାଲଟିଯାଇଛି । ଓଡିଶାକୁ ଏକ ବଡ଼ ଧରଣର କ୍ଷତି ଘଟାଇବାକୁ ଯାଉଛି ଛତିଶଗଡ଼ । ଆଉ ଏହି ସମୟରେ ଚିଠିର ଆଳ ନେଇ ଦୋଷ ଛଡ଼ାଇବାକୁ ବସିଥିବା ବିଜେଡି ପାର୍ଟି ନୁହେଁ, ମାଟି ପାଇଁ ଲଢ଼େଇ କରିବା ଉଚିତ ।