ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ମହାନଦୀ ପ୍ରସଙ୍ଗରେ ବିଧାନସଭାରେ ବିବୃତି ରଖିଛନ୍ତି ବିରୋଧୀ ଦଳ ନେତା ନରସିଂହ ମିଶ୍ର । ମହାନଦୀକୁ ନେଇ ରାଜ୍ୟ କଂଗ୍ରେସ ଖୁବ ଶୀଘ୍ର ରାଷ୍ଟ୍ରପତିଙ୍କୁ ଭେଟିବ ବୋଲି ସେ କହିଛନ୍ତି। ରାଷ୍ଟ୍ରପତିଙ୍କୁ ଭେଟି ମହାନଦୀକୁ ବଂଚାଇବାକୁ ଅନୁରୋଧ କରିବ କଂଗ୍ରେସ । ଓଡିଶା ତଥା ଓଡିଶାବାସୀଙ୍କ ସୁରକ୍ଷା ପାଇଁ ଧ୍ୟାନ ଦିଆଯିବ । ବିଜେଡି ଇଚ୍ଛା ପ୍ରକାଶ କଲେ ମିଳିତ ଭାବେ ରାଷ୍ଟ୍ରପତିଙ୍କୁ ଭେଟିଲେ କୌଣସି ଆପତି ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଆଶା କରୁଛୁ ମୁଖ୍ୟମନ୍ତ୍ରୀଙ୍କ ଜ୍ଞାନ ଉଦୟ ହେବ ଆଉ ସେ ଉଚିତ ପଦକ୍ଷେପ ନେବେ ବୋଲି କହିଛନ୍ତି ନରସିଂହ ମିଶ୍ର । ଏହାସହ ଲୋୟର ସୁକତେଲ କଥା ଉଠାଇଲେ ବିରୋଧୀ ଦଳ ନେତା, ପ୍ରକଳ୍ପକୁ ମଂଜୁରୀ ମିଳିଛି ହେଲେ କାହିଁକି ଆଗେଇ ପାରୁ ନାହିଁ ସେ ପ୍ରଶ୍ନ କରିଛନ୍ତି । ଏହାସହ ଲୋୟର ପିଏମଜିରେ ଧାରଣା ଦେଉଥିବା ସଂଗଠନର ଦାବିକୁ ମଧ୍ୟ ବିଧାନସଭାରେ ଉଠାଇଛନ୍ତି । ସରକାର ସେମାନଙ୍କୁ ସ୍ଥାୟୀ କରନ୍ତୁ, ନହେଲେ ସମସ୍ୟାର ସମାଧାନ ପାଇଁ ବାଟ ଖୋଜନ୍ତୁ ।
ବିରୋଧୀ ଦଳ ନେତାଙ୍କୁ ସମର୍ଥନ ଦେଲେ, ବିଜେପି ବିଧାୟକ ଦଳ ନେତା କନକ ବର୍ଦ୍ଧନ ସିଂହଦେଓ। ଆଜି ବିଧାନସଭା ଆରମ୍ଭରୁ ଉଠିଥିଲା ମହାନଦୀ ଝଡ। ମୁଖ୍ୟମନ୍ତ୍ରୀ ଗୃହରେ ରଖିଥିବା ବିବୃତିକୁ ନେଇ କ୍ଷୁବ୍ଧ ବିରୋଧୀ ଗୃହରେ ହଟଗୋଳ କରିଥିଲେ । ବିରୋଧୀ ଗୃହର ମଧ୍ୟଭାଗରେ ହୋହଲ୍ଲା କରିବା ଯୋଗୁଁ ଗୃହକୁ ଅପରାହ୍ନ ୩ଟା ଯାଏଁ ମୁଲତବୀ ଘୋଷଣା କରାଯାଇଥିଲା । ପରେ ଗୃହ କାର୍ଯ୍ୟ ସ୍ୱଭାବିକ ହୋଇଛି । ମହାନଦୀ ପ୍ରସଙ୍ଗରେ ସରକାରଙ୍କ ପାଖରେ କୌଣସି ତଥ୍ୟ ନାହିଁ। ଚୋର ଧରାପଡିବା ପରେ ନିଜେ ଚୋର ଚୋର ବୋଲି ପାଟି କରୁଛନ୍ତି । ମୁଖ୍ୟମନ୍ତ୍ରୀ ମହାନଦୀର ସୁରକ୍ଷା ପାଇଁ କଣ କଣ ପଦକ୍ଷେପ ନେଇଛନ୍ତି ତାହା ଗୃହରେ ଜଣାନ୍ତୁ ବୋଲି ବିରୋଧୀ ଦାବି କରିଛନ୍ତି।