ମହାନଦୀର ମହାଦ୍ୱନ୍ଦ୍ୱ : ରଣନୀତି ପ୍ରସ୍ତୁତ ପାଇଁ ୭ରୁ ୧୦ ଦିନ ସମୟ ନେଲେ ରାଜ୍ୟ ସରକାର
କନକ ବ୍ୟୁରୋ : ମହାନଦୀ ଲଢେଇର ପରବର୍ତୀ ପଦକ୍ଷେପ ନେଇ ଦ୍ୱନ୍ଦ୍ୱରେ ସରକାର । ଗତକାଲି ଦିଲ୍ଲୀରେ ତ୍ରିପାକ୍ଷିକ ବୈଠକ ବିଫଳ ହେବା ପରେ ସୁପ୍ରିମକୋର୍ଟ ଯିବାନେଇ ଓଡିଶା ସରକାର ସଂକେତ ଦେଇଥିଲେ । କିନ୍ତୁ ଆଜି କ୍ୟାବିନେଟ ବୈଠକ ପରେ ରାଜ୍ୟ ସରକାର ଏ ସଂକ୍ରାନ୍ତରେ ନିଷ୍ପତି ନେବାକୁ ୭ରୁ ୧୦ ଦିନ ସମୟ ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନୁମାନ କରାଯାଉଛି ଆଇନଗତ ଲଢେଇ ଦୀର୍ଘ ସମୟ ଧରି ଚାଲିବାର ଆଶଙ୍କା ଥିବାରୁ ଏହି ନିଷ୍ପତି ନେବା ପୂର୍ବରୁ ସରକାର ଅଧିକ ତର୍ଜମା କରିବେ । କ୍ୟାବିନେଟ ବୈଠକ ଶେଷ ହେବା ପରେ ମୁଖ୍ୟ ଶାସନ ସଚିବ କହିଛନ୍ତି, ସମସ୍ତ ବିକଳ୍ପ ଖୋଲା ରଖାଯାଇଛି । ଆଇନଗତ ଦିଗ ନେଇ ମଧ୍ୟ ତର୍ଜମା ଚାଲିଛି । କ୍ୟାବିନେଟ ବୈଠକରେ ଅଧିକାଂଶ ବିଭାଗର ମନ୍ତ୍ରୀ, ସଚିବଙ୍କ ସମେତ ଆଇନ ବିଭାଗର ସଚିବ ଓ ଆଡଭୋକେଟ ଜେନେରାଲ ସୂର୍ଯ୍ୟପ୍ରସାଦ ମଧ୍ୟ ଉପସ୍ଥିତ ଥିଲେ ।
ଦିଲ୍ଲୀରେ ତ୍ରିପାକ୍ଷିକ ବୈଠକରେ କଣ ଘଟିଥିଲା ଏବଂ ରାଜ୍ୟ କଣ ଆଭିମୁଖ୍ୟ ଉପସ୍ଥାପନ କରିଥିଲେ ତାହା କ୍ୟାବିନେଟ ବୈଠକରେ ସୂଚନା ଦିଆଯାଇଥିଲା । ରାଜ୍ୟ ସରକାରଙ୍କ ଆଭିମୁଖ୍ୟକୁ କ୍ୟାବିନେଟ ସମର୍ଥନ କରିଥିଲା । ତେବେ ମହାନଦୀ ଲଢେଇରେ ରାଜ୍ୟ ସରକାରଙ୍କ ପରବର୍ତୀ ପଦକ୍ଷେପ କଣ ହେବ ତାହା ଉପରେ ଏବେ ସମସ୍ତଙ୍କ ନଜର ।
ଏହା ସହ ଦେଖନ୍ତୁ ଏହି ଭିଡିଓ –