ସାତିକୋଶିଆକୁ ଛଡାଗଲା ବାଘ ମହାବୀର : ଆଉ କିଛି ଦିନ ମଧ୍ୟରେ ବାଘୁଣୀ ସୁନ୍ଦରୀ ବି ଯିବ ସାତକୋଶିଆ, ନଜର ରଖିଛି ବନବିଭାଗ
କନକ ବ୍ୟୁରୋ : ସାତକୋଶିଆ ଜଙ୍ଗଲ ଭିତରେ ଏଣିକି ମୁକ୍ତ ଭାବେ ବୁଲିବ ମହାବଳ ବାଘ ମହାବୀର । ମଧ୍ୟପ୍ରଦେଶ କାହ୍ନା ଅଭୟାରଣ୍ୟରୁ ଆସିଥିବା ମହାବୀର ବାଘକୁ ସ୍ୱତନ୍ତ୍ର ଏନକ୍ଲୋଜରରୁ ମୁକ୍ତ କରାଯାଇଛି । ଅନ୍ୟପଟେ ମହାବୀରର ସ୍ୱାସ୍ଥ୍ୟବସ୍ଥା ଭଲ ଥିବା ବେଳେ ୨୪ ଘଂଟା ତାହାର ଗତିବିଧି ଉପରେ ନଜର ରଖାଯାଉଥିବା ସୂଚନା ଦେଇଛି ବନବିଭାଗ । ଗତ ୨୧ ତାରିଖ ଦିନ କାହ୍ନା ଅଭୟାରଣ୍ୟରୁ ଏହି ବାଘକୁ ସାତକୋଶିଆ ଜଙ୍ଗଲକୁ ଅଣାଯାଇଥିଲା । ଏଠାରେ ବାଘ ବଂଶ ବୃଦ୍ଧି ପାଇଁ ଏଭଳି ଏକ ନିଆରା ଉଦ୍ୟମ କରାଯାଇଛି । ଅନ୍ୟପଟେ ବାଘୁଣୀ ସୁନ୍ଦରୀକୁ ବି ମଧ୍ୟ ପ୍ରଦେଶରୁ ଅଣାଯାଇ ସ୍ୱତନ୍ତ୍ର ଏନକ୍ଲୋଜରରେ ରଖି ଅନୁଧ୍ୟାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ମହାବଳକୁ ଜଙ୍ଗଲରେ ଛାଡ଼ିବା ସାତକୋଶିଆ କର୍ତ୍ତୃପକ୍ଷଙ୍କୁ ଯେତିକି ଆନନ୍ଦିତ କରିଛି, ତା’ର ସୁରକ୍ଷାକୁ ନେଇ ବନ କର୍ମଚାରୀଙ୍କ ଚିନ୍ତା ବି ସେତିକି ବଢ଼ିଛି । ବେଶି ଚିନ୍ତିତ ହୋଇଛନ୍ତି ସ୍ଥାନୀୟ ଗ୍ରାମବାସୀ । ବିଶେଷ କରି ସାତକୋଶିଆ ସହ ସମ୍ପୃକ୍ତ ଲବଙ୍ଗୀ, ବଲଙ୍ଗ, ଯୋକୁବ, ଟୁଲ୍କା ଆଦି ଗାଁକୁ ମହାବଳ ଭୟ ଘାରିଛି । ମହାବଳ ଏନ୍କ୍ଲୋଜରରୁ ମୁକ୍ତ ହେବା ଖବର ବିଜୁଳି ବେଗରେ ଗାଁ ଗାଁରେ ପ୍ରଚାରିତ ହୋଇଛି । କାଳେ ଗାଁକୁ ମହାବଳ ମୁହାଁଇବ ସେନେଇ ଏବେ ଚର୍ଚ୍ଚା ଓ ଆଲୋଚନା ଜୋର୍ ଧରିଛି ।