ମହାନଦୀ ଜଳବିବାଦ ମାମଲାରେ ଆଜି ଶୁଣାଣି । ଟ୍ରିବୁନାଲରେ ପକ୍ଷ ରଖିବେ ଉଭୟ ଓଡିଶା ଓ ଛତିଶଗଡ
ସରିଛି ପରଷ୍ପରର ପ୍ରକଳ୍ପ ଅଂଚଳ ଅନୁଧ୍ୟାନ, ଟ୍ରିବୁନାଲକୁ ଦେବେ ରିପୋର୍ଟ
କନକ ବ୍ୟୁରୋ: ମହାନଦୀ ଜଳ ବିବାଦ ମାମଲାରେ ଆଜି ହେବ ଟ୍ରିବ୍ୟୁନାଲଙ୍କ ଶୁଣାଣି । ଟ୍ରିବ୍ୟୁନାଲର ଅଧ୍ୟକ୍ଷ ତଥା ବିଚାରପତି ଏ.ଏମ. ଖାନୱିଲକରଙ୍କ ଅଧ୍ୟକ୍ଷତାରେ ଗଠିତ ତିନି ଜଣିଆ ଉଭୟ ଓଡିଶା ଓ ଛତିଶଗଡର ପକ୍ଷ ଶୁଣିବେ । ବିଶେଷ କରି ଦୁଇ ରାଜ୍ୟ ମହାନଦୀରେ ତିଆରି ହୋଇଥିବା ପରସ୍ପରର ପ୍ରକଳ୍ପ ଅଂଚଳ ଅନୁଧ୍ୟାନ କରିଛନ୍ତି । ଏବଂ ଏ ସଂପର୍କିତ ରିପୋର୍ଟ ଟ୍ରିବ୍ୟୁନାଲରେ ଦାଖଲ କରିବେ । ପ୍ରଥମେ ଅକ୍ଟୋବର ୨୯ରୁ ନଭେମ୍ବର ୩ ଭିତରେ ଓଡିଶା ପ୍ରତିନିଧି ଦଳ ଛତିଶଗଡରେ ଯାଇ ପ୍ରକଳ୍ପ ଗୁଡିକୁ ଅନୁଧ୍ୟାନ କରି ଫେରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହାପରେ ନଭେମ୍ବର ଦ୍ୱିତୀୟ ସପ୍ତାହରେ ଛତିଶଗଡ ମଧ୍ୟ ଓଡିଶାରେ ଆସି ମହାନଦୀ ଉପରେ ନିର୍ମାଣ କରାଯାଇଥିବା ପ୍ରକଳ୍ପ ଗୁଡିକ ବୁଲିଦେଖିଛନ୍ତି । ଏ ସଂକ୍ରାନ୍ତରେ ଟ୍ରିବ୍ୟୁନାଲଙ୍କୁ ଅବଗତ କରାଯିବା ସହ ଆଗକୁ ଆଉ ପ୍ରକଳ୍ପର ଅନୁଧ୍ୟାନ ଆବଶ୍ୟକ କି ନାହିଁ, ସେ ନଇ ଟ୍ରିବ୍ୟୁନାଲଙ୍କ ମତ ନିଆଯିବ । ଉଭୟ ରାଜ୍ୟକୁ କ୍ଷେତ୍ର ପରିଦର୍ଶନ ପରେ ନଭେମ୍ବର ୩୦ ସୁଦ୍ଧା ରିପୋର୍ଟ ଦେବାପାଇଁ ପୂର୍ବରୁ ଟ୍ରିବ୍ୟୁନାଲଙ୍କ ନିର୍ଦ୍ଦେଶ ଥିଲା । ହେଲେ ପରେ ଏହାକୁ ବଢାଇ ଡିସେମ୍ବର ୧୪ ଧାର୍ଯ୍ୟ କରାଯାଇଥିଲା ।