ମଧ୍ୟପ୍ରଦେଶ ଚାଷୀ ମୃତ୍ୟୁ ପ୍ରତିବାଦରେ ଜୋର ଧରୁଛି ଆନ୍ଦୋଳନ ! ଆସନ୍ତା ୧୬ରେ ଓଡ଼ିଶା ବନ୍ଦ ଡାକରା ଦେଲା ନବନିର୍ମାଣ କୃଷକ ସଂଗଠନ
କନକ ବ୍ୟୁରୋ : ମଧ୍ୟପ୍ରଦେଶ ଚାଷୀ ମୃତ୍ୟୁ ଘଟଣାକୁ କେନ୍ଦ୍ରକରି ୧୬ ଜୁନରେ ଓଡ଼ିଶା ବନ୍ଦ ଡାକରା ଦେଇଛି ନବନିର୍ମାଣ କୃଷକ ସଂଗଠନ । ଦୁଇ ଘଂଟା ପାଇଁ ରେଳରୋକ ଓ ରାସ୍ତାରୋକ କରାଯିବ । ରେଳ ଚଳାଚଳ ବନ୍ଦ ରହିବା ସହ ଜାତୀୟ ରାଜପଥରେ ବସ୍ ଓ ଦୁଇ ଚକିଆ ଯାନ ବନ୍ଦ ରହିବ ବୋଲି ନବନିର୍ମାଣ କୃଷକ ସଂଗଠନ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସ୍ୱାମୀନାଥ କମିଟି ସୁପାରିସକୁ କାର୍ଯ୍ୟକାରୀ କରିବା, ଚାଷୀଙ୍କୁ ଋଣ ଛାଡ, ଚାଷୀଙ୍କୁ ଭତ୍ତା ଆଦି ଦାବିରେ ଏହି ବନ୍ଦ ଡାକରା ଦିଆଯାଇଛି । ତେବେ ମଧ୍ୟପ୍ରଦେଶରେ ଚାଷୀମାନେ ଆନ୍ଦୋଳନ କରୁଥିବାବେଳେ ପୁଲିସ ଗୁଳିର ସାମ୍ନା କରିଥିଲେ । ପୁଲିସ ଗୁଳିରେ ୫ ଜଣ ଚାଷୀଙ୍କର ମୃତ୍ୟୁ ହେବା ପରେ ତାକୁ ନେଇ ରାଜନୀତି ଜୋର ଧରିଛି ।