ଆରକ୍ଷୀ ପରୀକ୍ଷଣ ପ୍ରକ୍ରିୟା ଚାଲିଥିବା ବେଳେ ଅନୁସୂଚିତ ଜାତି ଏବଂ ଜନଜାତି ପ୍ରତିଯୋଗୀଙ୍କ ଛାତିରେ ଲେଖାହେଲା ଏସସି/ଏସଟି !
ନିକଟରେ ମଧ୍ୟପ୍ରଦେଶରେ କନେଷ୍ଟବଳ ପଦବୀ ପାଇଁ ତାରିଖ ଧାର୍ଯ୍ୟ ହୋଇଥିଲା । ଏହି ସମୟରେ ପ୍ରତିଯୋଗୀଙ୍କ ସ୍ୱାସ୍ଥ୍ୟ ପରୀକ୍ଷଣ ପ୍ରକ୍ରିୟା ଚାଲିଥିବା ସମୟରେ ଏକ ଲଜ୍ଜାଜନକ ଘଟଣା ଘଟିଥିଲା । ପ୍ରତିଯୋଗୀଙ୍କ ମଧ୍ୟରେ ସବୁ ବର୍ଗର ପିଲା ଥିଲେ । କିନ୍ତୁ ସ୍ୱାସ୍ଥ୍ୟ ପରୀକ୍ଷଣ ପ୍ରକ୍ରିୟା ଆରମ୍ଭ ହେବା ପୂର୍ବରୁ ଅନୁସୂଚିତ ଜାତି ଏବଂ ଜନଜାତିର ପ୍ରତିଯୋଗୀଙ୍କ ଦେହରେ କଲମରେ ଏସସି ଏବଂ ଏସଟି ଲେଖି ଦିଆଗଲା । ଏହି ମାମଲା ଉଗ୍ର ରୂପ ଧରିବାରୁ ଗୃହମନ୍ତ୍ରୀ ଭୁପେନ୍ଦ୍ର ସିଂହ ଏହାର ଜାଞ୍ଚ୍ କରିବାକୁ ଆଦେଶ ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
धार में आरक्षकों की भर्ती में उत्पन्न हुई विवादास्पद स्थिति की जानकारी मिली है। इस मामले की वस्तुस्थिति जानने के लिए जांच के आदेश दे दिए गए हैं।
— Bhupendra Singh (@bhupendrasingho) April 29, 2018
ମଧ୍ୟପ୍ରଦେଶର ଧାର ଜିଲ୍ଲାରେ କନେଷ୍ଟବଳଙ୍କ ସ୍ୱାସ୍ଥ୍ୟ ପରୀକ୍ଷଣ ସମୟରେ ଏଭଳି ଦୃଶ୍ୟ ଦେଖିବାକୁ ମିଳିଛି । ନିକଟରେ ଏହି ଜିଲ୍ଲାରେ କନେଷ୍ଟବଳ ପଦବୀ ପାଇଁ ବିଭିନ୍ନ ପରୀକ୍ଷଣ ଚାଲିଥିବାବେଳେ ଏଭଳି ଦୃଶ୍ୟ ଅନ୍ୟ ପ୍ରତିଯୋଗୀଙ୍କ ମଧ୍ୟରେ ଅସନ୍ତୋଷ ଆଣିଦେଇଥିଲା ।
ଏହି ପ୍ରତିଯୋଗୀଙ୍କ ଶାରିରୀକ ପରୀକ୍ଷଣ ଜିଲ୍ଲା ଡାକ୍ତରଖାନାରେ ହେଉଥିବାବେଳେ ଏସସି ଏବଂ ଏସଟି ବର୍ଗର ପ୍ରତିଯୋଗୀଙ୍କୁ ଚିହ୍ନଟ କରିବା ପାଇଁ ଡାକ୍ତରଖାନା ତରଫରୁ ଏଭଳି ପଦକ୍ଷେପ ନିଆଯାଇଥିଲା ।