ସାତକୋଶିଆରେ ଭୋକିଲା ଅଛି ମଧ୍ୟପ୍ରଦେଶ ମହାବଳ : ଓଡ଼ିଶା ହାତୀ ପଲକୁ ଅନାଇ ରହିଲା ମହାବୀର
କନକ ବ୍ୟୁରୋ : ସାରା ଓଡିଶାର ନଜର ରହିଥିବା ମଧ୍ୟପ୍ରଦେଶ ମହାବଳ ଉପରେ ସାଟେଲାଇଟ ଓ ସିସିଟିଭିରୁ ନଜର ରଖାଯାଇଛି । ହିଂସ୍ର ବାଘଟି ଏପର୍ଯ୍ୟନ୍ତ କିଛି ଖାଇନଥିବା ଜଣାପଡିଛି । ଅଭୟାରଣ୍ୟରେ ବୁଲୁଥିବା ଓଡିଶା ହାତୀ ପାଲଙ୍କୁ ଅନାଇରହିଥିଲା ମହାବୀର । ଆଉ ବିଶେଷ କଛି ନକରି ବାଟଭାଙ୍ଗି ଚାଲିଯାଇଥିଲା । ଏତେ ବାଟର ଯାତ୍ରା ଓ ନୂଆଜାଗା ହୋଇଥିବାରୁ ତାର ଆଚରଣରେ ପରିବର୍ତ୍ତନ ଆସିବାକୁ ସମୟ ଲାଗିବ ବୋଲି କୁହାଯାଉଛି । ଆଚରଣ ସ୍ୱାଭାବିକ ହେଲାପରେ ତାକୁ ଏନକ୍ଲୋଜରରୁ ମୁକ୍ତ କରାଯିବ । ବାଘବଂଶ ବୃଦ୍ଧି ପାଇଁ ଖୁବଶୀଘ୍ର କେତୋଟି ବାଘୁଣୀ ମଧ୍ୟ ଏଠାକୁ ଅଣାଯିବ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
୪୮ ଘଂଟାର ଯାତ୍ରାପରେ ମହାବଳ ମହାବୀରର ଯନ୍ତା ଯେତେବେଳେ ଖୋଲି ଦିଆଗଲା, ଏକା ଲଂଫରେ ସେ ବାହାରକୁ ଚାଲିଯାଇଥିଲା । ଆଉ ଏପାଖ ସେପାଖ ବୁଲିବୁଲି ଅନୁମାନ କରୁଥିଲା ଯେ, ବଦଳି ଯାଇଛି ତାର ଠିକଣା । କାରଣ ଟ୍ରାଙ୍କୁଲାଇଜ କରି ସ୍ଥାନାନ୍ତର ହୋଇଥିବା ବାଘଟି ହୁଏତ ରାସ୍ତାରେ ଯାତ୍ରାକୁ ଅନୁଭବ କରିପାରିନଥିଲା । କିନ୍ତୁ ଯନ୍ତାରୁ ବାହାରିବା ପରେ ବେଶ ଅନୁଭବ କରିପାରୁଥିଲା ଯେ, ଏହା କାହ୍ନା ଜାତୀୟ ଅଭୟାରଣ୍ୟ ନୁହେଁ । ୫ଶହ କିଲୋମିଟରରୁ ବି ଅଧିକ ରାସ୍ତା ଅତିକ୍ରମ କରିଆସିଥିବା ଏହି ହିଂସ୍ର ବାଘଟି ସାତକୋଶିଆ ଅଭୟାରଣ୍ୟରେ ପହଂଚିବା ପରେ ଏପର୍ଯ୍ୟନ୍ତ କିଛି ଖାଇନାହିଁ ।
ବାଘଟିର ପ୍ରତିଟି ଗତିବିଧି ଉପରେ ନଜର ରଖିଛନ୍ତି ବନ୍ୟାପ୍ରାଣୀ କର୍ତ୍ତୃପକ୍ଷ । ବନ୍ୟପ୍ରାଣୀ ବିଶେଷଜ୍ଞଙ୍କ ୨୪ ଘଂଟିଆ ନୀରିକ୍ଷଣରେ ରହିଛି ଏହି ହିଂସ୍ର ପଶୁ । ରେଡିଓ କଲାର ଟ୍ରାକିଂ ସହ ସାଟେଲାଇଟ ଓ ସିସିଟିଭି ନଜରରେ ରହିଛି । ତାର ଆଚରଣ ସ୍ୱାଭାବିକ ହେଲେ ଏନକ୍ଲୋଜରରୁ ମୁକ୍ତ କରାଯିବ । ଆଉ ସାତକୋଶିଆରେ ଥିବା ଅନ୍ୟ ବନ୍ୟପ୍ରାଣୀଙ୍କ ସଂସ୍ପର୍ଶରେ ଆସିବ । ସାରା ବିଶ୍ୱରେ ପ୍ରଥମଥର ପାଇଁ ଏଭଳି, ଗୋଟିଏ ରାଜ୍ୟରୁ ଆଉ ଗୋଟିଏ ରାଜ୍ୟକୁ ବାଘ ଅଣାଯିବାର ଉଦ୍ୟମ ସଫଳ ହୋଇଛି ।
ମଧ୍ୟପ୍ରଦେଶ କାହ୍ନା ଅଭୟାରଣ୍ୟରୁ ଆସିଥିବା ଏହି ହିଂସ୍ର ପ୍ରଜାତିର ବାଘ ଗତକାଲି ସାତକୋଶିଆରେ ଓଡିଶା ହାତୀଙ୍କ ସହ ମୁହାଁମୁହିଁ ହୋଇଥିଲା । ଟ୍ରାଙ୍କୁଲାଇଜରର ପ୍ରଭାବ ସହ ନୂଆଜାଗା ହୋଇଥିବାରୁ ବେଶ ଅଦ୍ଭୁତ ଆଚରଣ କରିଥିବା ମହାବୀର । ହାତୀଗୁଡିକୁ କେବଳ ଆଖି ତରାଟି ଚାହିଁବା ପରେ ଗୋଟିଏ ପାହୁଣ୍ଡ ପଛକୁ ଘୁଂଚି ଯାଇଥିଲେ ହାତୀ । ହେଲେ ମହାବୀର କେବଳ ରକ୍ଷଣାତ୍ମକ ଢଙ୍ଗରେ ଅନାଇ ରହିବା ସହ ବାଟ ଭାଙ୍ଗି ଚାଲିଯାଇଥିଲା । ସାତକୋଶିଆରେ ବାଘ ସଂଖ୍ୟା ବୃଦ୍ଧି କରିବା ଯୋଜନରା ଏହା ଏକ ଅଂଶବିଶେଷ । ବାଘ ବଂଶ ବୃଦ୍ଧି ପାଇଁ ଖୁବଶୀଘ୍ର ମଧ୍ୟପ୍ରଦେଶ ବନ୍ଧବଗଡରୁ କେତୋଟି ବାଘୁଣୀ ଆଣିବାର ଯୋଜନା ରହିଛି ।
ସାତକୋଶିିଆର ଘଂଚ ଜଙ୍ଗଲ ଭିତରେ ଘୁରି ବୁଲିବ ଏହି ମହାବଳ ବାଘ । ଜଙ୍ଗଲରେ କ୍ରମାଗତ ବଢୁଥିବା ତୃଣାଭୋଜି ପ୍ରାଣୀଙ୍କ ସଂଖ୍ୟା ହ୍ରାସ କରିବା ସହ ଓଡ଼ିଶାରେ ବାଘ ସଂଖ୍ୟା ବୃଦ୍ଧି କରିବ । ଆଉ ବାଘଙ୍କ ପାଇଁ ସାତକୋଶିଆ ଜଙ୍ଗଲରେ ପ୍ରସ୍ତୁତ ହେବ ଏକ ନିଦ୍ଦିଷ୍ଟ କ୍ଷେତ୍ର ।