ବିଦେଶରେ ଚମକିବେ ଆଦିବାସୀ ବୃଦ୍ଧା ! ଇଟାଲୀରେ ପ୍ରଦର୍ଶନ ହେବ ଆଦିବାସୀ ବୃଦ୍ଧାଙ୍କ ଚିତ୍ର , ନୂତନ ଚିତ୍ରକରଙ୍କ ପାଇଁ ପାଲଟିଛନ୍ତି ପ୍ରେରଣା ।
ମଧ୍ୟପ୍ରଦେଶର ଜଣେ ୮୦ ବର୍ଷୀୟା ବୃଦ୍ଧା ମହିଳାଙ୍କ ହାତ ତିଆରି ଚିତ୍ର ଏବେ ଇଟାଲୀରେ ପ୍ରଦର୍ଶନ କରାଯିବ । ଇଟାଲୀ ସହରର ମିଲାନରେ ହେବାକୁ ଯାଉଥିବା ଚିତ୍ର ପ୍ରଦର୍ଶନୀରେ ଆଦିବାସୀ ମହିଳା ଜୋଧଇୟା ବାଇ ବେଗାଙ୍କ ଚିତ୍ର ପ୍ରଦର୍ଶନୀ କରାଯିବ । ମଧ୍ୟପ୍ରଦେଶର ଲୋହରା ଗ୍ରାମରେ ରହୁଥିବା ଜୋଧଇୟା ବାଇଙ୍କ ଏହି ସଫଳତାରେ ସମ୍ପୁର୍ଣ୍ଣ ରାଜ୍ୟ ତାଙ୍କ ଉପରେ ଗର୍ବ ଅନୁଭବ କରୁଛି ।
Kanak News is now on WhatsApp
Join and get latest news updates delivered to you via WhatsApp
Madhya Pradesh: Paintings by Jodhaiya Bai Baiga, an 80-year-old tribal woman, from Umaria district’s Lorha village are now being showcased at the ongoing exhibition at Milan in Italy. Her teacher Ashish Swami says, “She has to achieve many more milestones now.” (04.10.2019) pic.twitter.com/FsK7CnBPfG
— ANI (@ANI) October 5, 2019
ସ୍ୱାମୀଙ୍କ ମୃତ୍ୟୁ ପରେ ଚିତ୍ରକୁ ନିଜ ସାଥୀ କରିଥିବା ଜୋଧଇୟା କୁହନ୍ତି , ୪୦ ବର୍ଷ ପୂର୍ବେ ସ୍ୱାମୀଙ୍କ ମୃତ୍ୟୁ ପରେ ଘରର ଆର୍ଥୀକ ବୋଝ ମୋ ଉପରେ ପଡିଥିଲା । ଚିତ୍ରରେ ରୁଚି ରଖୁଥିବାରୁ ମୁଁ ଚିତ୍ର ଆଙ୍କି ଗୁଜୁରାଣ ମେଣ୍ଟାଇଲି । ଆଖପାଖରେ ଯାହା ଦେଖିଲି ତାକୁ କାଗଜରେ ତୂଳୀ ଧରି ଆଙ୍କିବାକୁ ଲାଗିଲି । ବର୍ତ୍ତମାନ ମୁଁ ଅନେକ ଦେଶ ଭ୍ରମଣ କଲିଣି । ବର୍ତ୍ତମାନ ଚିତ୍ର ଆଙ୍କିବା ହିଁ ମୋ ପାଇଁ ସବୁକିଛି । ମୁଁ ବହୁତ ଖୁସି ଅନୁଭବ କରୁଛି ଯେ ଅନ୍ତର୍ଜାତୀୟ ସ୍ତରରେ ମୋ ଚିତ୍ର ପ୍ରଦର୍ଶନ କରାଯିବ । ଜୋଧଇୟାଙ୍କ ଶିକ୍ଷକ ଅଶ୍ୱିନୀ ସ୍ୱାମୀ କୁହନ୍ତି , ଆଦିବାସୀ ସଂପ୍ରଦାୟର ଏହି ମହିଳା ବିନା କୌଣସି ଶିକ୍ଷାରେ ଏତେ ବଡ଼ ସଫଳତା ପାଇବା ପ୍ରଶଂସନୀୟ । ଆଦିବାସୀ ସମାଜ ପାଇଁ ଜୋଧଇୟା ଉଦାହରଣ ସୃଷ୍ଟି କରିଛନ୍ତି । ତାଙ୍କ ପାଇଁ ଏବେ ସମ୍ପୁର୍ଣ୍ଣ ରାଜ୍ୟ ଗର୍ବ ଅନୁଭବ କରୁଛି ।