ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଳନାଥଙ୍କ ଓଏସଡିଙ୍କ ଘରେ ରେଡ୍: ରାତିଅଧିଆ ଚଢାଉ କଲା ଆୟକର ବିଭାଗ
ସାରା ଦେଶର ୫୦ଟି ସ୍ଥାନରେ ୩ଶହ ଅଧିକାରୀଙ୍କ ଛାପା
କନକ ବ୍ୟୁରୋ: ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଲନାଥଙ୍କ ସହଯୋଗୀଙ୍କ ଘରେ ଆୟକର ବିଭାଗର ଚଢାଉ । ଲୋକସଭା ନିର୍ବାଚନ ଆଗରୁ ଆୟକର ବିଭାଗର ଏହି ଚଢାଉ ଏବେ ଚର୍ଚାର ବିଷୟ ହୋଇଛି । ମଧ୍ୟପ୍ରଦେଶରେ କମଲନାଥଙ୍କ ଓଏସଡିଙ୍କ ସମେତ ୨ ଜଣ ଘନିଷ୍ଠ ସହଯୋଗୀଙ୍କ ଘର ସହିତ ଦେଶର ପ୍ରାୟ ୫୦ଟି ସ୍ଥାନରେ ରେଡ୍ ମାରଛି ଆୟକର ବିଭାଗ । ୨ ଜଣ ସହଯୋଗୀ ହେଉଛନ୍ତି ପ୍ରବୀଣ କକ୍କର ଓ ଆରକେ ମିଗଲାନି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଲୋକସଭା ନିର୍ବାଚନ ଆଗରୁ ଏହି ରେଡରେ ୫୦ କୋଟିରୁ ଅଧିକ ଟଙ୍କା ଜବତ ହୋଇଛି । ନିର୍ବାଚନରେ ବରିଷ୍ଠ କଂଗ୍ରେସ ନେତାଙ୍କ ପାଣ୍ଠି ପରିଚାଳନାକୁ ପ୍ରତିହତ କରିବାକୁ ଏପରି କରାଯାଇଥିବା ଅଭିଯୋଗ କରିଛି କଂଗ୍ରେସ । ସିଆରପିଏଫ୍ ଜବାନଙ୍କ ସହାୟତାରେ ରାତି ପ୍ରାୟ ୩ଟା ବେଳେ ଆୟକର ବିଭାଗ ଏହି ରେଡ୍ ମାରିଥିଲା ।
Madhya Pradesh: I-T raid underway at Bhopal residence of Praveen Kakkar, OSD to Madhya Pradesh CM. Searches are also underway at his residence and official premises in Indore. pic.twitter.com/JBktgZjJvB
— ANI (@ANI) April 7, 2019
କମଲନାଥଙ୍କ ଓଏସଡିଙ୍କ ଘର ସମେତ ଅନ୍ୟ ଠିକଣାରେ ରେଡ୍ ମାରିଛି ଆଇଟି ବିଭାଗ । କମଲନାଥଙ୍କ ଓଏସଡି ପ୍ରବୀଣ କକ୍କରଙ୍କ ଭୋପାଲ ଓ ଇନ୍ଦୋର ବାସଭବନରେ ରେଡ୍ ହୋଇଛି । ସମାନ ଢଙ୍ଗରେ ମିଗଲାନିଙ୍କ ଭୋପାଲ ଓ ଦିଲ୍ଲୀ ବାସଭବନରେ ବି ରେଡ୍ ପଡିଛି । ଗତ ବର୍ଷକ ତଳେ କକ୍କର ପୋଲିସ ସେବାରୁ ଅବସର ନେଇଥିଲେ । ତେବେ କମଲନାଥ ମୁଖ୍ୟମନ୍ତ୍ରୀ ହେବା ପରେ ତାଙ୍କୁ ଓଏସଡି ପଦରେ ନିଯୁକ୍ତ କରିଥିଲେ କମଲନାଥ ।