ମୁଁ ମାଧୁରୀଙ୍କୁ ବିବାହ କରିବିନି ! କେଉଁ ଗାୟକ ପ୍ରତ୍ୟାଖ୍ୟାନ କରିଥିଲେ ଧକ୍ ଧକ୍ ଗର୍ଲଙ୍କୁ . .
ଧକ୍ ଧକ୍ ଗର୍ଲ ମାଧୁରୀ ଦିକ୍ଷୀତ୍ ୯୦ ଦଶକର ସଫଳ ଅଭିନେତ୍ରୀ ମାନଙ୍କ ମଧ୍ୟରୁ ଅନ୍ୟତମ । ଦମଦାର୍ ଅଭିନୟ ଏବଂ ମନମୁଗ୍ଧକର ନୃତ୍ୟ ପାଇଁ ନିଜର ସ୍ୱତନ୍ତ୍ର ଏକ ପରିଚୟ ସୃଷ୍ଟି କରିପାରିଛନ୍ତି ମାଧୁରୀ । ସର୍ବଶ୍ରେଷ୍ଠ ଅଭିନେତ୍ରୀ ଭାବେ ମାଧୁରୀ ଚାରି ଥର ଫିଲ୍ମଫେୟାର୍ ଆୱାର୍ଡ ପାଇଛନ୍ତି । ଏହା ସହ ପଦ୍ମଶ୍ରୀ ସମ୍ମାନରେ ମଧ୍ୟ ସମ୍ମାନିତ ହୋଇଛନ୍ତି ମାଧୁରୀ ।
Kanak News is now on WhatsApp
Join and get latest news updates delivered to you via WhatsApp
ତେବେ କଣ ଆପଣ ଜାଣନ୍ତି କୋଟି କୋଟି ଭାରତୀୟଙ୍କ ହୃଦୟରେ ରାଜ୍ କରୁଥିବା ମାଧୁରୀଙ୍କୁ କିନ୍ତୁ ଗାୟକ ସୁରେଶ ୱାଡକର୍ ବିବାହ କରିବାକୁ ମନା କରିଦେଇଥିଲେ । ତେବେ ଏହି ଘଟଣା ମାଧୁରୀ ସିନେମା ଦୁନିଆରେ ପାଦ ରଖିବା ପୂର୍ବର କଥା । ମାଧୁରୀଙ୍କ ବାପା ମା’ ଚାହୁଁନଥିଲେ ଝିଅ ସିନେମାରେ କାମ କରୁ ବୋଲି । କାରଣ ସେମାନେ ଏହାକୁ ଘୋର ବିରୋଧ କରୁଥିଲେ । ତେଣୁ ମାଧୁରୀଙ୍କ ବାପା ତାଙ୍କ ପାଇଁ ପୁଅ ଦେଖିବା ଆରମ୍ଭ କରିଦେଇଥିଲେ ।
ତାଙ୍କର ତଲାସ୍ ଶେଷ ହୋଇଥିଲା ବଲିଉଡର ଲୋକପ୍ରିୟ ଗାୟକ ସୁରେଶ ୱାଡକରଙ୍କ ପାଖରେ । ମାଧୁରୀଙ୍କ ଏକ ଫଟୋ ସହ ସେମାନେ ସୁରେଶଙ୍କ ପାଖକୁ ବିବାହ ପ୍ରସ୍ତାବ ପଠାଇଥିଲେ । କିନ୍ତୁ ଫଟୋ ଦେଖୁ ଦେଖୁ ସୁରେଶ ବିବାହ ପାଇଁ ମନା କରିଦେଇଥିଲେ । ତାଙ୍କର କହିବା ଥିଲା ମାଧୁରୀ ବହୁତ ଦୁର୍ବଳ ଏବଂ ପତଳା । ପ୍ରସ୍ତାବ ଭାଙ୍ଗିବା ପରେ ମାଧୁରୀଙ୍କ ବାପା ମନଦୁଃଖ କରିଥିଲେ କିନ୍ତୁ ମାଧୁରୀ ଖୁବ୍ ଖୁସି ଥିଲେ । କାରଣ ଏହା ପରେ ତାଙ୍କୁ ସିନେମାରେ ଅଭିନୟ ପାଇଁ ଅନୁମତି ମିଳିଥିଲା ।