ପ୍ରୟାଗରାଜରେ ଆରମ୍ଭ ହୋଇଯାଇଛି କୁମ୍ଭ ମେଳା : ମେଳାରେ ରାଜକୀୟ ଢ଼ଙ୍ଗରେ ସଜାଯାଇଛି ଟେଣ୍ଟ, ମିଳିବ ପଂଚ ତାରକା ହୋଟେଲ ଭଳି ସୁବିଧା
ପ୍ରୟାଗରାଜରେ କୁମ୍ଭ ମେଳାର ଆରମ୍ଭ ହୋଇସାରିଛି । ଦୁନିଆର କିଛି ସବୁଠାରୁ ବଡ ଧାର୍ମିକ ଅନୁଷ୍ଠାନ ମଧ୍ୟରୁ ଗୋଟିଏ ଏହି ମେଳାକୁ ୟୁନେସ୍କୋର ବି ମାନ୍ୟତା ମିଳିସାରିଛି । ଆଜି ପ୍ରଥମ ସ୍ନାନ ହେବ ଯାହାକି ୪ ମାର୍ଚ୍ଚ ଶିବରାତ୍ରି ଦିନ ସରିବ । ଏଥର କୁମ୍ଭ ମେଳାରେ ସାରା ଦୁନିଆରୁ ଆସୁଥିବା ତୀର୍ଥଯାତ୍ରୀଙ୍କୁ ଧ୍ୟାନରେ ରଖି ଏକ ବିଶେଷ ପଦକ୍ଷେପ ନିଆଯାଇଛି । ଏଠି ସଙ୍ଗମରେ ବିଳାସପୂର୍ଣ୍ଣ ଟେଣ୍ଟର ସୁବିଧା ଦିଆଯାଉଛି, ଯାହାର ଗୋଟିଏ ରାତିର ଭଡା ୧୦ହଜାର ଠାରୁ ଆରମ୍ଭ କରି ୩୫ ହଜାର ଟଙ୍କା । ଆସନ୍ତୁ ଜାଣିବା ଏହି ଟେଣ୍ଟର ବିଶେଷତ୍ୱ…
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀର ଏକ ପ୍ରାଇଭେଟ୍ କମ୍ପାନୀର ପଦକ୍ଷେପ ଉପରେ ତୀର୍ଥଯାତ୍ରୀଙ୍କୁ ବିଳାସପୂର୍ଣ୍ଣ ଟେଣ୍ଟ ଦେବାର ଯୋଜନା କରାଯାଇଛି । ୩୫ ହଜାର ମୂଲ୍ୟ ଥିବା ଗୋଟିଏ ଟେଣ୍ଟରେ ଦୁଇଟି ବେଡରୁମ୍ ଓ ଗୋଟିଏ ଲିଭିଙ୍ଗ ରୁମ୍ ଅଛି । ଏବଂ ସେହି ସମସ୍ତ ସୁବିଧା ମିଳିବ ଯାହା କୌଣସି ପଂଚ ତାରକା ହୋଟେଲରେ ମିଳେ । ବିଳାସପୂର୍ଣ୍ଣ ଟେଣ୍ଟର ସୁବିଧା ବିଶେଷ କରି ବିଦେଶୀ ଓ ଏନଆରଆଇ ତୀର୍ଥଯାତ୍ରୀଙ୍କୁ ଧ୍ୟାନରେ ରଖି ଆରମ୍ଭ କରାଯାଇଛି । ଏହି କୋଠରୀ ଗୁଡିକର ସେଟ୍ ପାଖାପାଖି ୯୦୦ ସ୍କେ୍ୱୟାର ଫିଟ୍ ରେ ବ୍ୟାପ୍ତ । ଏହି ଟେଣ୍ଟର ଆଖପାଖରେ ନିଜର ଗଙ୍ଗା ଘାଟ ଅଛି । ଯେଉଁଠି ଲୋକ ସ୍ନାନ କରିପାରିବେ, ଯେଉଁମାନେ ଟେଣ୍ଟର ଭଡା ଦେଇପାରିବେ ।
କୁହାଯାଉଛି କି, ମେଳା ସମୟରେ ପ୍ରୟାଗରାଜ ଓ ତା’ର ଆଖପାଖ ଅଂଚଳରେ ପାଖାପାଖି ୨୦୦ଟି ବିଳାସପୂର୍ଣ୍ଣ ଟେଣ୍ଟ ସହିତ ମୋଟ୍ ୬୦୦ଟି କଟେଜ୍ ଟେଣ୍ଟ ଲଗାଯାଇଛି । ଏହାର ପ୍ରସ୍ତୁତି ବହୁତ ପୂର୍ବରୁ ହୋଇସାରିଥିଲା ଓ ଏହାର ବୁକିଂ ମଧ୍ୟ ବହୁତ ପୂର୍ବରୁ ଆରମ୍ଭ ହୋଇସାରିଛି । ଏଥିରେ ଅନେକ ପ୍ରକାରର ସୁବିଧା ଅଛି, ଯେମିତିକି ଯୋଗ, ସାଇକ୍ଲିଙ୍ଗ, ୱାଟର ସ୍ପୋର୍ଟସ ଓ ନେଚୁରାପେଥି ସହିତ ଭଜନ ସନ୍ଧ୍ୟାର ବି ଆନନ୍ଦ ନେଇପାରିବେ । ଏହା ସହିତ ଟଙ୍କା ଦେଲେ ହେଲିକପ୍ଟରରେ ବସି ପୁରା ପ୍ରୟାଗରାଜର ଦୃଶ୍ୟ ଦେଖିପାରିବେ । ଏହା ବ୍ୟତୀତ ଟେଣ୍ଟର ଭିତରେ ସଂପୂର୍ଣ୍ଣ ରୂପେ ଶାକାହାରୀ ଖାଦ୍ୟ, ୱାଇଫାଇ ଓ ମେଡିଟେସନର ସୁବିଧା ମିଳିବ ।