ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ଦିବଙ୍ଗତ ନେତାଙ୍କ ଚାଲିଛି ଶେଷ ଦର୍ଶନ । ସରକାରୀ ବାସଭବନରେ ବରିଷ୍ଠ କଂଗ୍ରେସ ନେତା ଲଲାଟେନ୍ଦୁ ବିଦ୍ୟାଧର ମହାପାତ୍ରଙ୍କ ମରଶରୀରର ଅନ୍ତିମ ଦର୍ଶନ କରୁଛନ୍ତି ହଜାର ହଜାର ସମର୍ଥକ । ଲୁଲୁଙ୍କ ଶେଷ ଦର୍ଶନ ପାଇଁ ହଜାର ହଜାର ଶୁଭେଚ୍ଛୁଙ୍କ ଭିଡ ଜମିଛି । ନେତା ଓ କର୍ମୀ ସମସ୍ତେ ପ୍ରିୟ ନେତାଙ୍କୁ ଅଶ୍ରୁଳ ଶ୍ରଦ୍ଧାଂଜଳି ଦେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଜି ସନ୍ଧ୍ୟା ପ୍ରାୟ ୬ଟାରେ ଦିଲ୍ଲୀ ବିମାନବନ୍ଦରରୁ ଇଣ୍ଡିଗୋ ବିମାନ ଯୋଗେ ଭୁବନେଶ୍ୱରରେ ପହଁଚିଥିଲା ଲୁଲୁଙ୍କ ପାର୍ଥିବ ଶରୀର । ଦିବଙ୍ଗତ ନେତାଙ୍କ ଶେଷ ଦର୍ଶନ ପାଇଁ ସାରା ଭୁବନେଶ୍ୱରରେ ଭିଡ଼ ଜମିଥିଲା । ବିଜୁ ପଟ୍ଟନାୟକ ବିମାନ ବନ୍ଦରରେ ଶୁଭେଚ୍ଛୁମାନେ ଅପେକ୍ଷା କରି ରହିଥିଲେ । ପରେ ବିମାନ ବନ୍ଦରରୁ ଲୁଲୁଙ୍କ ପାର୍ଥିବ ଶରୀରକୁ ପ୍ରଥମେ ତାଙ୍କ ସରକାରୀ ବାସଭବନକୁ ଅଣାଯାଇଛି ।
ରାଜ୍ୟର ବିଭିନ୍ନ ପ୍ରାନ୍ତରୁ ହଜାର ହଜାର ଶୁଭେଚ୍ଛୁ ଏବଂ ସମର୍ଥକଙ୍କ ଭିଡ଼ ଜମିଛି । ଆଜି ଭୁବନେଶ୍ୱରରେ ତାଙ୍କ ଅନ୍ତିମ ଦର୍ଶନ ପରେ ଆସନ୍ତାକାଲି ତାଙ୍କ ମରଶରୀରକୁ ରାଜ୍ୟ କଂଗ୍ରେସ ଭବନକୁ ଅଣାଯିବ । ପରେ ତାଙ୍କ ପୈତୃକ ଗ୍ରାମକୁ ଯିବ ଏହି ଦିବଙ୍ଗତ ନେତାଙ୍କ ମରଶରୀର ।