ରୋଷେଇ ଘରେ ପହଞ୍ଚିଲା ଜିଏସଟିର ପ୍ରଭାବ ! ଘରୋଇ ସିଲିଣ୍ଡରରେ ୩୨ ଟଙ୍କା ମୂଲ୍ୟ ବୃଦ୍ଧି
୧ ଜୁଲାଇରୁ ଦେଶରେ ଜିଏସଟି ଲାଗୁ ହେବା ପରେ କିଛି ଜିନିଷର ମୂଲ୍ୟ କମ୍ ହୋଇଛି ତ ଅନେ କ ଜିନିଷରେ ଦାମ୍ ମଧ୍ୟ ବଢ଼ିଛି । କିନ୍ତୁ ଜିଏସଟି ଯୋଗୁଁ ମଧ୍ୟବିତ୍ତ ପରିବାରକୁ ପୁଣି ଏକ ଝଟକା ଲାଗିଛି । ଜିଏସଟି ଲାଗୁ ହେବା ପରେ ଘରୋର ସିଲଣ୍ଡରର ମୂଲ୍ୟ ବଢ଼ିଯାଇଛି । ଏବେ ଲୋକଙ୍କୁ ଏଲପିଜି ସିଲିଣ୍ଡର ନେବା ପାଇଁ ୩୨ ଟଙ୍କା ଅଧିକ ଖର୍ଚ୍ଚ କରିବା ପାଇଁ ପଡ଼ିବ । ଏହା ସବସିଡ଼ି ମୂଲ୍ୟରୁ ବଢ଼ିବ ।
Kanak News is now on WhatsApp
Join and get latest news updates delivered to you via WhatsApp
ଇକୋନେମିକ୍ସ ଟାଇମ୍ସ ମୁତାବକ ଜିଏସଟି ଲାଗୁ ହେବା ପୂର୍ବରୁ ଅନେକ ରାଜ୍ୟକୁ ଏଲପିଜି ପାଇଁ ଟାକ୍ସ ଦେବାକୁ ପଡୁନଥିଲା । କିନ୍ତୁ ଏବେ ଏଲପିଜିକୁ ୫ ପ୍ରତିଶତ ସ୍ଲାବରେ ରଖାଯାଇଛି, ଏଥିଯୋଗୁଁ ଏହାର ମୂଲ୍ୟ ୧୨-୧୫ ଟଙ୍କା ପର୍ଯ୍ୟନ୍ତ ବଢ଼ୁଛି ।
ଏହାବ୍ୟତୀତ ଜୁନରୁ ହିଁ ଏଲପିଜିର ସବସିଡ଼ିରେ କିଛି ମୂଲ୍ୟ କମ୍ ହୋଇଥିଲା । ଉଦାହରଣ ସୁରୂପ ଯଦି ଜୁନ୍ ପର୍ଯ୍ୟନ୍ତ କାହା ପାଖକୁ ୧୧୯ ପର୍ଯ୍ୟନ୍ତ ସବସିଡ଼ି ଆସୁଛି ତେବେ, ଜିଏସଟି ଲାଗୁ ପରେ ଏବେ ତାଙ୍କୁୁ ୧୦୭ ଟଙ୍କା ହିଁ ସବସିଡ଼ି ରୂପରେ ମିଳିବ । ଏହାର ଅର୍ଥ ଜିଏସଟି ଓ ସବସିଡ଼ି କାରଣରୁ ସାଧାରଣ ଲୋକଙ୍କ ପକେଟରୁ ସିଧା ସିଧା ୩୦-୩୨ ଟଙ୍କା ଅଧିକ ଖର୍ଚ୍ଚ ହେବ ।
ଜିଏସଟି ଲାଗୁ ହେବା ପରେ କମର୍ସିଆଲ ଏଲପିଜି ସିଲିଣ୍ଡରରେ ୬୯ ଟଙ୍କା ପର୍ଯ୍ୟନ୍ତ ମୂଲ୍ୟ ହ୍ରାସ ହୋଇଛି । ଏହା ପୂର୍ବରୁ କମର୍ସିଆଲ ସିଲିଣ୍ଡରରେ ୨୨.୫ ପ୍ରତିଶତ ପର୍ଯ୍ୟନ୍ତ ଟାକ୍ସ ଲାଗୁଥିଲା କିନ୍ତୁ ଏବେ ଏହାକୁ ୧୮ ପ୍ରତିଶତ ସ୍ଲାବରେ ରଖାଯାଇଛି ଯାହାଦ୍ୱାରା କମର୍ସିଆଲ ଏଲପିଜି ସିଲିଣ୍ଡର ଉପରେ ମୂଲ୍ୟ ହ୍ରାସ ହୋଇଛି ।
ସୌଜନ୍ୟ-ଆଜତକ୍.କମ୍