କନକ ବ୍ୟୁରୋ : ଘରେ ଘରେ ପହଂଚିବ ରନ୍ଧନ ଗ୍ୟାସ୍ । ପ୍ରଥମ ପର୍ଯ୍ୟାୟରେ ଦେଶର ୭ଟି ସହରରେ ପାଇପ ଯୋଗାଇ ଦିଆଯିବ ରନ୍ଧନ ଗ୍ୟାସ । ଏହାରି ଭିତରେ ରହିଛି ଓଡିଶାର ୨ଟି ସହର ଭୁବନେଶ୍ୱର ଓ କଟକ । ଏନେଇ କେନ୍ଦ୍ର କ୍ୟାବିନେଟରେ ନିଷ୍ପତି ନିଆଯାଇଛି । ବିହାର, ଝାଡଖଣ୍ଡ, ପଶ୍ଚିମବଙ୍ଗ, ଉତରପ୍ରଦେଶ ଓ ଓଡିଶାରେ ଏହି ବ୍ୟବସ୍ଥା କାର୍ଯ୍ୟକାରୀ କରାଯିବ ବୋଲି କହିଛନ୍ତି କେନ୍ଦ୍ର ପେଟ୍ରୋଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ।
Kanak News is now on WhatsApp
Join and get latest news updates delivered to you via WhatsApp
ଏଥିରେ ଅଛି ବିହାରର ପାଟଣା, ଝାଡଖଣ୍ଡର ଜାମସେଦପୁର ଓ ରାଂଚି, ଉତରପ୍ରଦେଶର ବନାରସ, ପଶ୍ଚିମବଙ୍ଗର କୋଲକାତା ଏବଂ ଓଡିଶାର ଭୁବନେଶ୍ୱର ଓ କଟକ । ଏଥିପାଇଁ ଖର୍ଚ ଦେବ ୧୯ ହଜାର କୋଟି । ଦୁଇରୁ ଅଢେଇ ବର୍ଷ ମଧ୍ୟରେ ଏହି ଯୋଜନା କାର୍ଯ୍ୟକାରୀ ହେବ । ତେବେ ପାଇପ୍ ଯୋଗେ ଗ୍ୟାସ ଯୋଗାଇବା ଯୋଜନାକୁ କେନ୍ଦ୍ର କ୍ୟାବିନେଟରେ ଅନୁମୋଦନ ମିଳିଛି।